Universidade do Sur de California

Na Galipedia, a Wikipedia en galego.

Coordenadas: 34°01′18″N 118°17′07″O / 34.021667, -118.285278

Universidade do Sur de California
Datos xerais
Fundación1880
Datos actuais
Profesores4.400
Alumnosarredor de 30.000
Datos de contacto
IMDB: co0029593 Facebook: usc Twitter: USC Instagram: uscedu Dialnet: 889711 Editar o valor em Wikidata
[ editar datos en Wikidata ]

A Universidade do Sur de California (en inglés University of Southern California) é unha universidade privada de investigación no barrio de Exposition Park nos Ánxeles (California, Estados Unidos).

Historia[editar | editar a fonte]

A Universidade foi fundada en 1880 e é a universidade privada de investigación máis antiga de California.

Acrónimos[editar | editar a fonte]

O nome da Universidade do Sur de California ás veces é abreviado como Southern California, ou coas siglas SC ou USC,[a] , o mesmo que a Universidade de Santiago de Compostela (fundada en 1495), a Universidade de San Carlos (Manila, s. XVII-XVIII), a Universidade de Carolina do Sur, University of South Carolina, Columbia (fundada en 1801 como South Carolina College), a Universidade do Sur do Caribe University of Southern Caribbean en Trinidad e Tobago (fundada en 1927) e a Universidade Santiago de Cali, Universidad Santiago de Cali en Cali, Colombia (fundada en 1958).

 

Persoal[editar | editar a fonte]

A USC empregaba en 2007 a 3.127 profesores a tempo completo, 1.363 a tempo parcial e uns 8.200 empregados. A universidade ten un nivel "moi alto" de actividade investigadora, e conseguiu 484,6 millóns de dólares en investigación patrocinada en 2007. O Centro de Sistemas Integrados de Medios (Integrated Media Systems Center) e o Centro de Sistemas Microelectrónicos Biomiméticos (Center for Biomimetic Microelectronic Systems) están na USC.

Estudantes[editar | editar a fonte]

A USC conta con 16.384 estudantes de grao e 17.024 de posgrao e impartiu en 2007, 4.676 de grao e 5.380 de grao superior. Os estudantes da USC proceden dos 50 estados dos Estados Unidos e de máis de 115 países[1].

Deportes[editar | editar a fonte]

A USC conta con 19 equipos deportivos que compiten na Conferencia Pacífico-10 da División IA da Asociación Nacional de Atletismo. O seu alcume é os troianos (the Trojans). Os troianos gañaron 89 campionatos por equipos da NCAA[2], terceiros nos Estados Unidos (detrás de UCLA e Stanford) e 347 campionatos individuais da NCAA, segundos nos EUA. 362 atletas troianos estiveron nos Xogos Olímpicos gañando 112 medallas de ouro, 66 de prata e 58 de bronce. O seu equipo de baloncesto xoga no Galen Center, adestrado por Kevin O'Neill. O equipo de fútbol americano xoga no Los Angeles Memorial Coliseum e é adestrado por Lane Kiffin . O equipo de fútbol gañou varios campionatos nacionais e 23 Rose Bowls, un partido disputado entre dous dos mellores equipos de fútbol do país. Nos deportes, a USC ten unha forte rivalidade coa UCLA, a outra grande escola dos Ánxeles, en todos os deportes e unha forte rivalidade con Notre Dame no fútbol.

Astronautas[editar | editar a fonte]

Varios astronautas da NASA formáronse na USC, entre eles:

  • Neil Armstrong (décadas de 1960 e 1970, estudos de posgrao) (M.S. Aerospace Engineering) - astronauta e primeira persoa en camiñar na Lúa, piloto da NASA X-15[3]
  • Karol J. Bobko (1970, M.S. Aerospace Engineering) - enxeñeiro, oficial da Forza Aérea e astronauta da USAF e da NASA[4]
  • Charles F. Bolden, Jr. (1977, M.S. Systems Management) – comandante do Transbordador Espacial; Administrador da NASA
  • Gerald P. Carr (1954, B.S. Mechanical Engineering) – coronel do Corpo de Mariña e astronauta da NASA[5]
  • Nancy J. Currie (1985, M.S. Systems Management) - enxeñeira, oficial do exército e astronauta da NASA[6]
  • Jerry M. Linenger (1988, M.S. Systems Management) – capitán do Corpo Médico da Mariña e astronauta da NASA[7]
  • James A. Lovell (1961, Aviation Safety School) - Astronauta da NASA e capitán da Mariña, máis famoso como comandante da misión Apolo 13
  • Carlos I. Noriega (1981, B.S. Computer Science) – astronauta da NASA e tenente coronel do Corpo de Mariña[8]
  • Kenneth S. Reightler, Jr. (1984, M.S. Systems Management) – astronauta da NASA[9]

Notas[editar | editar a fonte]

  1. ↑ "natudoc_campdiv_brief". colleges.usnews.rankingsandreviews.com (en inglés). 
  2. ↑ "Champs listing". NCAA.org (en inglés). Arquivado dende o orixinal o 02 de marzo de 2007. Consultado o 10 de xullo de 2022. 
  3. ↑ "USC Fact Book, Did You Know?". USC. Arquivado dende o orixinal o 23 de abril de 2010. Consultado o 23 de novembro de 2009. 
  4. ↑ "Karol J. Bobko". National Aeronautics and Space Administration. Consultado o 1 de novembro de 2013. 
  5. ↑ "Gerald P. Carr". National Aeronautics and Space Administration. Consultado o 1 de novembro de 2013. 
  6. ↑ "Nancy J. Currie". National Aeronautics and Space Administration. Consultado o 1 de novembro de 2013. 
  7. ↑ "Jerry M. Linenger". National Aeronautics and Space Administration. Consultado o 1 de novembro de 2013. 
  8. ↑ "Carlos I. Noriega". National Aeronautics and Space Administration. Consultado o 1 de novembro de 2013. 
  9. ↑ "Kenneth S. Reightler, Jr.". www.liquisearch.com. Consultado o 2022-07-10. 

Véxase tamén[editar | editar a fonte]

Ligazóns externas[editar | editar a fonte]

Traído desde «https://gl.wikipedia.org/w/index.php?title=Universidade_do_Sur_de_California&oldid=6490629»