Universidade Católica de Santos
Coordenadas: 23°57′S 46°19′O / -23.95, -46.32
| Universidade Católica de Santos | |
|---|---|
| Datos xerais | |
| Localización | Santos, Estado de São Paulo |
| Fundación | 7 de febreiro de 1986 [1] |
| Datos actuais | |
| Reitor | Marcos Medina Leite [1] |
| Alumnos | 41.692 (2011) |
| Datos de contacto | |
| Enderezo | Avenida Conselheiro Nébias 300 Santos, SP [1] |
| Páxina web | www.unisantos.br |
    | |
| [ editar datos en Wikidata ] | |
A Universidade Católica de Santos (UNISANTOS ou UCS) é unha universidade brasileira privada católica e sen ánimo de lucro, situada en Santos, Estado de São Paulo.
Fundada o 7 de febreiro de 1986, depende da Diocese Católica de Santos.[1]
É unha das institucións de educación superior máis grandes e prestixiosas do Brasil, e moitas das súas Facultades están entre as mellor clasificadas do país, incluíndo Dereito, Relacións Internacionais, Xornalismo, Historia, Psicoloxía, Administración de Empresas e Enxeñaría.[2]
Historia[editar | editar a fonte]
A historia de UNISANTOS comezou en 1951, cando unha Sociedade foi fundada polo Vizconde de São Leopoldo. O obxectivo inicial era a creación da Facultade de Dereito. Despois, a universidade ampliouse para incluír unha escola de Filosofía, Ciencias e Letras, Comunicación, Economía e Empresa, Escola de Arquitectura, Escola de Traballo Social, Escola de Enfermaría, Escola de Farmacia e Bioquímica e Escola de Enxeñaría.
O 6 de febreiro de 1986, a UNISANTOS foi recoñecida e converteuse na primeira universidade da rexión, baixo os auspicios do entón ministro Marco Antônio Maciel baixo o proceso de aprobación 3924/76.[3] Actualmente composto por cinco centros de aprendizaxe, UNISANTOS mantén máis de 40 cursos de grao, incluíndo programas de Tecnoloxía, cinco cursos de máster recomendados por Capes e MEC (Educación, Dereito, Xestión de Empresas, Informática e Saúde Pública), ciencias e artes, e ducias doutros cursos vinculados a unha tradición humanística.
Como membro da Asociación Brasileira de Universidades Comunitarias, o UNISANTOS subministra parte dos seus ingresos para financiar bolsas, visitas hospitalarias gratuítas, clínicas de psicoloxía e asistencia xurídica, entre outras. Ademais, mantén a Universidade Aberta para Persoas Maiores, proxecto pioneiro na comarca.[4]
Convenios internacionais[editar | editar a fonte]
A UNISANTOS ten un convenio para intercambiar estudantes con institucións estranxeiras situadas en Portugal, España (entre elas, a Universidade de Santiago de Compostela), Alemaña, México e Costa Rica.[5]
Notas[editar | editar a fonte]
- ↑ 1,0 1,1 1,2 1,3 Universidade Católica de Santos - UNISANTOS.
- ↑ UNISANTOS mantém destaque na região com a conquista de 102 estrelas no Guia do Estudante 2018 – Melhores Universidades, da Editora Abril. 4 de dezembro de 2018. Departamento de Imprensa Católica de Santos.
- ↑ Institucional. UNISANTOS.
- ↑ Cursos para a terceira idade. UNISANTOS Arquivado 02 de decembro de 2018 en Wayback Machine..
- ↑ Convênios Internacionais. UNISANTOS.
