The Road to Los Angeles

Na Galipedia, a Wikipedia en galego.
The Road to Los Angeles
Autor John Fante
País Estados Unidos
Lingua inglés
Xénero(s) Novela, Realismo sucio
Editorial HarperCollins
Data de pub. 1933 (publicada en 1985)
Seguido por Wait until Spring, Bandini

The Road to Los Angeles ("Camiño a Los Angeles") é unha novela escrita en 1933 polo italo-americano John Fante, publicada por vez primeira en 1985. É o primeiro volume (o cuarto por orde de publicación) da tetraloxía con Arturo Bandini como protagonista.

Trama[editar | editar a fonte]

Aviso: Esta sección pode revelar detalles da trama e/ou do argumento.

Arturo Bandini é un rapaz de dezaoito anos, orfo de pai (aínda que Svevo aparece na precuela de 1937), que vive coa súa nai enferma e coa súa irmá Mona, fanática relixiosa. O seu soño é ser un grande escritor, pero traballa nunha fábrica de conservas, sendo esta a única fonte de ingresos do fogar tras a morte do seu pai, xunto con algunhas achegas do irmán da nai.

Le autores como Friedrich Nietzsche ou Oswald Spengler, pero só por pura megalomanía, pois non entende a metade. Estas lecturas sérvenlle para ter unha falsa erudición verbal, con moitos termos cultos pero libre de substancia, o que fai que se ridiculice a si mesmo.

Colecciona imaxes eróticas de mulleres espidas, ás que idolatra como deusas. Porén, un día destrúeas nun ataque de moralidade, que lle chega por unha frustración contra a intolerancia monacal perenne da súa irmá e as responsabilidades inquietantes da nai.

Narración[editar | editar a fonte]

Arturo é un rapaz novo, megalómano, groseiro, racista e intolerante. O autor parece delinear un antiheroe negativo, mesquiño e soberbio, pero o que emerxe é un personaxe que se ri dos seus propios brotes neuróticos, mal adaptado ás convencións da vida civilizada.

A obra está narrada en primeira persoa, pero isto non contribúe á identificarse co protagonista: a fina e áspera ironía que xorde do contraste entre as intencións claras de Arturo e os acontecementos que finalmente teñen lugar. A narración converte a novela nunha sátira da forma de ver o mundo solipsista e egocéntrico, fronte ao mundo real ao que non logra adaptarse

A trama desenvólvese en Los Angeles (California), entre o barrio pobre onde viven e a factoría conserveira situada no peirao. Está ambientada a comezos da década de 1930, durante a Gran Depresión.

libros de John Fante
Tetraloxía de Arturo Bandini
The Road to Los Angeles (1936) - Wait until Spring, Bandini (1937) - Ask the Dust (1939) - Dreams from Bunker Hill (1982)
Outras obras
Dago Red (1940) - Full of Life (1952) - A irmandade da uva (1977) - The Wine of Youth (1985) - 1933 was a bad year (1985) - West of Rome (1986) - The Big Hunger (2000)
Guións
Walk on the Wild Side - Something for a Lonely Man - The Reluctant Saint - Jeanne Eagels - Maya - My Man and I - Youth Runs Wild