Tetepare

Na Galipedia, a Wikipedia en galego.
Tetepare
NewGeorgiaGroupCloseup.png
Localización da illa
Tetepare Island NASA.jpg
Situación
País Illas Salomón
Provincia Occidental
Arquipélago Illas Nova Xeorxia
Mar Océano Pacífico
Coordenadas 8°43′S 157°33′E / 8.717°S 157.550°E / -8.717; 157.550
Demografía
Densidade hab/km² hab./km²


A Illa Tetepare é a maior illa deshabitada no Pacífico Sur, se atopa en 8°43′S 157°33′E / 8.717°S 157.550°E / -8.717; 157.550. É unha parte da provincia Occidental das Illas Salomón. Cobre aproximadamente 118 quilómetros cadrados. Tetepare aberga bosques primitivos nas terras baixas e unha rica zona costeira mariña. O significado do nome é incerto, probablemente significa "porco salvaxe" ou "xabarín loitador" xa que a illa era (e en certa medida segue sendo) famosa por estes animais entre os habitantes da rexión.[1]

Os residentes locais eran ao parecer dun grupo étnico distinto, existen datos dunha lingua Tetepare e de tradicións únicas pero a información está fragmentada. Do mesmo xeito que os seus veciños nas illas Rendova e Nova Xeorxia, parece ser que practicaron a agricultura itinerante, e ocasionalmente cortaban cabezas. Con todo, a illa foi abandonada no século XIX, os habitantes dispersaronse por Nova Xeorxia, Lagoa Roviana, Vonavona, Nggatokae e Ranongga.[2]

No extremo occidental, estableceuse de 1907 a 1918 unha plantación de cocos de 3´75 quilómetros cadrados, pero empezou a decaer logo da Segunda Guerra Mundial e todo o mantemento cesou en 1990. O Bosque secundario está agora invadindo esta área.

Ecoloxía[editar | editar a fonte]

Á illa recoñeceuselle a súa importancia para a conservación e os valores arqueolóxicos. Un total de 73 especies de aves, 24 de réptiles, catro de ras e 13 especies de mamíferos rexistraronse en Tetepare incluíndo raras e endémicas especies de aves e de morcegos.

Os científicos aínda están descubrindo novas especies en Tetepare. Nos últimos anos, os investigadores descubriron tres novas especies de peixes, unhas novas xeracións de peces e unha posible nova familia de peixes nos ríos de auga doce de Tetepare.[3]

Tres especies de tartarugas mariñas en perigo de extinción extremo, como as Tartaruga de coiro, carei e a tartaruga verde, anidan nas praias volcánicas de area negra de Tetepare. Tiburóns, delfíns, crocodilos e unha extraordinaria diversidade de especies de peixes de arrecifes teñen a illa como o seu fogar. Os arrecifes de coral da zona soportan una das maiores diversidades de peixes e coral do mundo, só superada por Raja Ampat en Indonesia.

As aves tamén son abundantes, malia a presenza de gatos. É posible que os porcos e tal vez os gatos teñan extinguido certas aves terrestres, como indica a escaseza de Gallicolumbas pombas e rallidaes. O maxestuoso Haliaeetus sanfordi é abundante, e entre as aves máis raras, atopanse o Esacus giganteus, Reinwardtoena crassirostris e Symposiachrus browni.

A maioría dos mamíferos en Tetepare son morcegos.

Na illa vive unha poboación de porcos salvaxes, que son un recurso alimenticio importante para os habitentes da veciña illa de Rendova, especialmente durante as festas. Os cazadores locais axudan a regular a poboación de porcos a través de frecuentes expedicións de caza á illa. Sábese que existe na illa polo menos unha especie de gato salvaxe, pero outras especies invasoras como o Rhinella marina non chegaron á illa.[4]

A propiedade da terra, entre o pobo Tetepare, é de carácter provisional consuetudinario. Os seus descendentes aínda son recoñecidos como os propietarios ou supervisores tradicionais da illa de Tetepare, e a illa segue sendo un lugar de importancia espiritual e tradicional da rexión.[2] En 2002 foi fundada a Asociación de Descendentes de Tetepare, para coordinar o mantemento do equilibrio entre o ecosistema da illa e a explotación dos seus recursos por parte da crecente poboación humana da provincia occidental, así como a preservación de Tetepare como o fogar dos seus antepasados. Construíuse unha estación de campo de baixa tecnoloxía e ecoloxica para ecoturismo.[4][5]

Asociación de Descendentes de Tetepare[editar | editar a fonte]

En 1995 fórmase os Amigos de Tetepare a partir dun grupo de propietarios tradicionais para previr a explotación comercial da illa. En 2002, os Amigos de Tetepare e TOLOA (Tetepare Traditional Landowners Association - Asociación de Propietarios tradicionais de Tetepare) uníronse para formar a Asociación de descendentes de Tetepare[6] (TDA). O seu obxectivo era conservar Tetepare en beneficio de todos os descendentes e das xeracións futuras. Máis de 3.000 descendentes unironse á TDA, polo que é unha das maiores organizacións de propietarios de terras nas Illas Salomón.[3][7]

A TDA é unha organización benéfica rexistrada nas Illas Salomón, cunha oficina na cidade de Munda, e unha estación de campo e ecolóxica na illa Tetepare.

A TDA estableceu un área mariña protexida de 13 km de lonxitude en Tetepare, que é unha zona de veda. Esta é unha das máis grandes áreas mariñas protexidas nas Illas Salomón. Rangers TDA, monitores mariños, monitores de pastos mariños e monitores de tartarugas traballan na illa para patrullar e protexer o área mariña e o bosque, e para controlar a saúde dos arrecifes da illa, as pradeiras de pastos mariños e os bosques, marcar tartarugas e protexer e recolocar os niños de tartarugas durante a tempada de aniñación de setembro a abril.

Con financiamiento e apoio da Unión Europea, a TDA creou un centro ecolóxico en Tetepare, que proporciona postos de traballo para os descendientes dos pobos locais e recauda fondos para apoiar o programa de conservación.[3]

O TDA tamén leva a cabo programas de vida sostenibles para as comunidades afrodescendentes e executa un programa de becas para axudar aos membros da TDA a pagar a escola dos seus fillos.

A TDA contou co apoio e o finanzamento de varias organizacións internacionais e individuos incluíndo a Unión Europea, Fondo Mundial para a Natureza, Conservación Internacional, Australian Volunteers Internacional e Axuda NZ.[3]

Notas[editar | editar a fonte]

  1. Molia (2000), Read & Moseby (2006)
  2. 2,0 2,1 Molia (2000)
  3. 3,0 3,1 3,2 3,3 http://www.tetepare.org
  4. 4,0 4,1 Read & Moseby (2006)
  5. The last wild island, Kate Hennessy, G Magazine, April 2011
  6. About the Tetepare Descendants' Assocation
  7. Old Warden Uniforms Worn Again and Spirits of an Uninhabited Island: Tetepare, South Pacific, By Mike and Jeanine D'Antonio, 26/05/2007, National Park Warden Association

Véxase tamén[editar | editar a fonte]

Commons
Commons ten máis contidos multimedia na categoría: Tetepare

Bibliografía[editar | editar a fonte]

Outros artigos[editar | editar a fonte]

Ligazóns externas[editar | editar a fonte]