Solomon Jones
 |
|
| Ala-pivote | |
| Información persoal | |
|---|---|
| Nacemento | 16 de xullo de 1984 (28 anos) Eustis, Florida |
| Nacionalidade |  Estados Unidos |
| Altura | 2,08 m (6 ft 10 in) |
| Peso | 111 kg (245 lb) |
| Instituto | Mount Dora, Florida |
| Información da carreira | |
| Universidade | South Florida |
| NBA Draft | 2006 / Rolda: 2 / Elección: 33
Escollido por Atlanta Hawks |
| Carreira | dende 2006 |
| Historial de equipos | |
| Atlanta Hawks (2006–2009) Indiana Pacers (2009-2011) Los Angeles Clippers (2012) New Orleans Hornets (2012) |
|
| Información en nba.com | |
Solomon Jones, nado o 16 de xullo de 1984 en Eustis, Florida, é un xogador profesional norteamericano de baloncesto.
Índice |
Traxectoria [editar]
Universidade [editar]
Solomon foi á Mount Dora High School, dende onde saltou á Universidade de Florida do Sur. A súa primeira tempada pasouna en branco, e no seu ano sophomore asinou 6,6 puntos e 6,2 rebotes. Foi na súa terceira tempada cando amosou unhas calidades que se viron reflectidas nos seus números: 13,2 puntos, 9,2 rebotes e 3,1 tapóns, rematando 2º na clasificación de reboteadores e taponadores da Big East nun equipo frouxo coma Florida do Sur (que paradoxalmente compite nunha grande conferencia como a Big East). Algúns dos seus mellores partidos foron estes: 7 puntos, 17 rebotes, 5 asistencias e 5 tapóns fronte a Villanova; 12 puntos, 12 rebotes e 6 tapóns fronte aos Huskies e 23 puntos (9 de 10 en tiros), 9 rebotes, 3 asistencias e 2 tapóns fronte a Georgetown.
NBA [editar]
Solomon Jones foi elixido polos Atlanta Hawks no Draft da NBA de 2006 no posto nº 33. No seu ano coma rookie fixo 3,3 puntos e 2.2 rebotes nunha tempada na que unicamente contou con minutos cando os partidos estaban resoltos. A súa mellor actuación chegou no último encontro dos Hawks, fronte aos Indiana Pacers, onde asinou 14 puntos, 8 rebotes e 2 tapóns. Outra das súas actuacións máis salientables tivo lugar o 23 de decembro fronte aos Detroit Pistons, onde fixo o seu primeiro e único dobre-dobre ata o momento: 10 puntos e 10 rebotes. O 30 de xullo de 2009 asinou polos Indiana Pacers coma axente libre.
En 2012, uniuse aos Los Angeles Clippers,[1] pero foi cortado tras xogar 10 partidos.[2] O 15 de febreiro de 2012, asinou un contrato de dez días cos New Orleans Hornets.[3] O 27 de febreiro de 2012, asinou cos Hornets un segundo contrato de dez días.[4]
Curiosidades [editar]
- Fillo de Solomon e Uzeria Jones. Ten 2 irmás, Carmella e Nakia.
- Goza xogando aos bolos, pescando e xogando aos videoxogos no seu tempo libre.
- A súa película favorita é Friday, e os seus actores favoritos son Chris Tucker e Halle Berry. É fan tamén do "Show de Jamie Foxx"
- Fan dos Miami Dolphins.
- Os seus artistas favoritos son Lil Wayne, T.I. e Jay-Z.
Notas [editar]
- ↑ Jones in the Middle
- ↑ "CLIPPERS WAIVE JONES". NBA.com. 2012-02-07. http://www.nba.com/clippers/news/clippers-waive-jones-120207.html. Consultado o 2012-02-18.
- ↑ "HORNETS SIGN SOLOMON JONES". NBA.com. 2012-02-15. http://www.nba.com/hornets/news/hornets_sign_solomon_jones_2012_02_15.html. Consultado o 2012-02-18.
- ↑ "HORNETS SIGN SOLOMON JONES". NBA.com. 2012-02-27. http://www.nba.com/hornets/news/hornets_sign_solomon_jones2.html. Consultado o 2012-03-01.
