Simon Bendall
| Biografía | |
|---|---|
| Nacemento | 1937 |
| Morte | 26 de xullo de 2019 |
| Datos persoais | |
| País de nacionalidade | .svg){kind=small} Británica |
| Educación | Instituto de Arqueoloxía. University College London. |
| Coñecido por | Estudos de numismática bizantina. |
| Actividade | |
| Campo de traballo | Numismática. |
| Ocupación | numismático  |
| Lingua | Lingua inglesa |
Simon Bendall, nado en 1937 e finado o 26 de xullo de 2019, foi un numismático inglés considerado unha autoridade na moeda bizantina.[1][2][3]
Bendall é autor da primeira obra de referencia acerca das cuñaxes do Imperio de Trebisonda.[1][4]
Traxectoria[editar | editar a fonte]
Simon Bendall comezou a súa colección de moedas na súa adolescencia, en 1953, logo de atopar unha moeda romana, e ese foi o comezo dunha vida académica dedicada ao estudo e á investigación sobre a moeda antiga.[1][3]
Tras cursar a educación primaria e a secundaria no Cheltenham College (1945-1956), en Gloucestershire, cumpriu o seu servizo militar na Artillaría Real (1956-1958), unha parte del en Dortmund, Alemaña, e despois realizou os seus estudos superiores no Instituto de Arqueoloxía da Universidade de Londres (1962-1965) ao mesmo tempo que traballaba no departamento de numismática da compañía Spink & Son (1959-1965).[1]
Logo deste período, Bendall traballou como especialista en diversos comercios deste xénero, como A. H. Baldwin (1967-1987), en Londres, e Numismatic Fine Arts, nos Ánxeles (1987-1988), e en 1998 foi o responsable do catálogo da primeira venda de moedas bizantinas de ouro da colección Nelson Bunker Hunt, para a casa de poxas Sotheby’s, de Nova York. Finalmente, na década de 2000 reincorporouse a Spink & Son en Londres, desde 2006 ata a súa xubilación en 2010.[1][2][3]
Entre outros recoñecementos por parte de entidades académicas e asociativas do seu sector, Bendall foi elixido membro da Sociedade de Anticuarios de Londres, en 1985, e tamén membro honorario da Société française de numismatique en 1996[2] e da Royal Numismatic Society en 2010[5].[1]
A súa colección de moeda bizantina foi roubada no seu domicilio londiniense en febreiro de 2018.[6] Pola súa banda, a súa biblioteca especializada foi vendida en poxa pública pola compañía Bartolami Fine Arts, de Londres, en abril de 2020.[7]
Publicacións[editar | editar a fonte]
Bendall publicou un bo número de monografías acerca dos pesos e das moedas do Imperio Bizantino, así como máis de 200 artigos sobre numismática, historia militar e xoiaría. Esta é unha escolma das súas obras máis representativas:[1][8][9]
Artigos[editar | editar a fonte]
- (1979). "‘Un trésor de ducats d’imitation au nom d’Andréa Dandolo (1343-1354)" (con Cécile Morrisson). En Revue Numismatique. 21. Páxinas 176-193. Société française de numismatique.
- (1979). "The coinage of Trebizond under Isaac II (A.D. 1185-95)". En American Numismatic Society Museum Notes, 24. Páxinas 213-217.
- (1982). "Palaeologan gold coins from the mint of Thessalonica". En Schweizer Münzblätter. 32. Páxinas 15-21.
- (1991). "The coinage of Constantine XI". En Revue Numismatique. 33. Páxinas p. 134-142. Société française de numismatique.
- (2003). "The Byzantine coinage of the mint of Jerusalem". En Revue Numismatique. 159. Páxinas 307-322. Société française de numismatique.
Monografías[editar | editar a fonte]
- (1970): A Billon trachy of John Ducas : emperor, and John Connenus-Ducas, despot (con M. F. Hendy). Les Belles Letres, París.
- (1974). The billon trachea of Michael VIII Palaeologus, 1258-1282 (con P. J. Donald). Baldwin, Londres.
- (1977). The Mardin hoard: Islamic countermarks on Byzantine folles. Baldwin, Londres.
- (1979). The Later Palaeologan Coinage: 1282-1453 (con P. J. Donald). Baldwin, Londres. ISBN 978-0906919026
- (1987). Byzantine Coins and their Values (con D. Sear e M. Dennis O'Hara). Seaby, Londres. ISBN 9780900652714
- (1988). A Private Collection of Palaeologan Coins. Wolverhampton.
- (1996). Byzantine Weights: An Introduction. Lennox Gallery, Londres. ISBN 9780952864707
- (2015). An Introduction to the Coinage of the Empire of Trebizond. Spink, Londres.
Notas[editar | editar a fonte]
- ↑ 1,0 1,1 1,2 1,3 1,4 1,5 1,6 "Bendall, Simon". En Coins Weekly. 21 de febreiro de 2018.
- ↑ 2,0 2,1 2,2 Morrison, C. (2019). "Décès de Simon Bendall (1937-2019)". Société française de numismatique.
- ↑ 3,0 3,1 3,2 "Anthony Simon Bendall". En Floreat 20. Obituary Supplement. Páxina 1. Cheltonian Society.
- ↑ Véxase (2015) en "Publicacións: Monografías".
- ↑ "Honorary Fellowship". The Royal Numismatic Society.
- ↑ "Simon Bendall Collection of Bizantine coins stolen". En Coins Weekly. 21 de febreiro de 2018.
- ↑ "The Numismatic Library of Simon Bendall at Auction". En Coins Weekly.
- ↑ "Bendall, S. (Simon)". WorldCat Identities.
- ↑ "Bendall, Simon Arquivado 08 de maio de 2021 en Wayback Machine.". Digital Library Numis.
Véxase tamén[editar | editar a fonte]
Bibliografía[editar | editar a fonte]
- Kampmann, U. (2019). "Simon Bendall (1937-2019)". En Coins Weekly. 25 de xullo.
