Samesugas
| Samesugas | |
|---|---|
| Información | |
| Orixe | Santiago de Compostela, Galiza  |
| Período | |
| Xénero(s) | Garage, Rock, Punk |
| Selo(s) discográfico(s) | Lixo Urbano, H-Records, Bad Attitude! Records |
| Membros | |
| Antigos membros | |
| Web oficial | |
Samesugas, grupo galego formado na cidade de Compostela no ano 1999, con antigos formantes doutros grupos como os Fame Neghra e Dirty Barriguitas. Practican Rock and roll con sonido garage en inglés e galego. A súa discografía até o ano 2006 estaba formada basicamente por singles e EP's, porén conseguiron chegar a ser coñecidos internacionalmente, e mesmo seleccionados para varios recompilatorios. Un deses traballos colectivos e o tributo a Turbonegro en 2002, no que participan cunha versión en galego da canción "I fucked Betty Page". Nese mesmo ano editan un vinilo titulado Machine in your brain, que será reeditado en cd en 2006. No ano 2003 fan unha xira por Finlandia. O seu primeiro traballo longo será Alá vai! no ano 2007. Nese mesmo ano versionan para Manifesto Dobarrista, o disco colectivo tributo a Andrés do Barro, a súa canción "Homes". En marzo do 2008, e xunto con The Homens, unha banda amiga coa que comparten comezos, sacan en vinilo o EP conxunto The Homens Vs. Samesugas, no que ambos grupos intercambian versións e inclúen tamén temas novos.
Samesugas pasou relativamente despercibido para a crítica musical galega en comparación con outros grupos contemporáneos, un feito que choca co seu relativo peso internacional, en especial nos paises escandinavos.
A súa formación é: Joaquín: guitarra & voz; Alberte: baixo; Álex: guitarra; Ramón: bateria.
[editar] Discografía
- Pocket Monsters EP (Lixo Urbano, 2000)
- Single compartido con Garage 13, cos temas "Psyche's Hell" e "Move-Te!" (Bad Attitude! Records, 2003)
- Machine In Your Brain (H-Records, 2003; Lixo Urbano, 2004; Lixo Urbano e H-Records, 2006)
- Alá vai! (H-Records, 2007)
- The Homens Vs. Samesugas (Lixo Urbano, Crack! Records, 2008)
- Samesugas Vs. Marcelo Pocavida & The Viagra Boys(Rastrillo Records, Argentina, 2008)
- They are Out There (Lixo urbano, Galiza, 2011)
[editar] Participación en recompilatorios
- Killer Lixo Vol. 2 (Lixo Urbano, 2001)
- Alpha Motherfuckers (Bitzcore, 2001, co tema "I Fucked Betty Page").
- Riot on the Rocks Vol. 5 (Safety Pin Records, 2002)
- A Collection Of Great Dance Tunes - Vol 2 (HDP Records, 2002, co tema "Muito Para Ti").
- Rawk 'N' Roll Revolution CD (Myrmecoleo Records, 2002, co tema "Machine In Your Brain").
- Manifesto Dobarrista (A Regueifa Plataforma, Falcatruada e Lonxa Cultural, 2007, co tema "Homes").
