Samara

Na Galipedia, a Wikipedia en galego.

Samara (entre 1935 e 1991 Kuibyshev) é unha cidade de Rusia situada no curso medio do Volga, capital do oblast do mesmo nome. Importante centro industrial e nó ferroviario, é tamén un destacado porto fluvial. Conta con 1.164.896 habitantes (preliminares censo 2010).

Fundada en 1586 coma enclave defensivo na beira oriental do Volga, entre este e o seu afluente, o río Samara, foi mercado de cereais da rexión ata o seu desenvolvemento industrial a principios do século XX.