Río Boyne

Na Galipedia, a Wikipedia en galego.
Río Boyne
Boyne River.jpg
O río Boyne
País Flag of Ireland.svg Irlanda
Rexión n/d
Nacemento Carbury, condado de Kildare
Altitude n/d
Lonxitude 112 km
Caudal medio
Conca
Desembocadura No Mar de Irlanda, entre Mornington (condado de Meath) e Baltray (condado de Louth)

Coordenadas: 53°43′N 6°15′W / 53.717°N 6.250°W / 53.717; -6.250 O río Boyne (en inglés: River Boyne; en irlandés: An Bhóinn ou Abhainn na Bóinne) é un río de Leinster, Irlanda, cun curso duns 112 km de lonxitude. Nace en Trinity Well, Newberry Hall, preto de Carbury, Condado de Kildare, e corre cara ao nordeste a través do condado de Meath até o Mar de Irlanda, desembocando ente Mornington e Baltray. No río abundan os salmóns e as troitas.

Pontes a destacar son a que a da autoestrada M1 e a da liña de ferrocarril Dublín-Belfast.

A pesar do seu curto percorrido, o Boyne ten connotacións históricas, arqueolóxicas e míticas importantes. A Batalla do Boyne, a maior batalla da historia irlandesa, tivo lugar polo Boyne preto de Drogheda en 1690 durante a Guerra Guillermita de Irlanda. Pasa cerca da antiga cidade de Trim, a Hill of Tara (a antiga capital do Gran Rei de Irlanda), Navan, Slane, Brú na Bóinne (sitio arqueolóxico), Mellifont Abbey, e a cidade medieval de Drogheda. Na val do Boyne tamén se poden atopar outros monumentos históricos, en Loughcrew e Kells, cruces celtas, castelos...

O río é coñecido deste tempos antiquísimos. O xeógrafo grego Ptolomeo debuxou un mapa de Irlanda no século II que incluía o Boyne, que chamou Βουουινδα (Bououinda), que mil anos despois Giraldus Cambrensis chamaría Boandus. Na mitoloxía irlandesa dise que o río foi creado pola deusa Boann ('raíña' ou 'deusa'), segundo F. Dinneen, lexicógrafo da lingua gaélica irlandesa, sendo Boyne a forma anglicanizada do nome. Noutras lendas, foi neste río onde Fionn mac Cumhail capturou a Fiontán, o salmón da sabedoría. A sección sobre Meath do Boyne é tamén coñecida como "Smior Fionn Feidhlimthe"[1] (a 'medula de Fionn Feilim').

En 2006, foron encontrados restos dun barco viquingo no leito do río en Drogheda durante unhas operacións de dragado.[2]

Galería de imaxes[editar | editar a fonte]

Notas[editar | editar a fonte]

  1. Dineen: Foclóir Gaedhilge agus Béarla, 1927 ("Smior" - pg 1067, Ed.1996)
  2. Viking ship found in Boyne to be excavated - Mark Rodden

Véxase tamén[editar | editar a fonte]

Ligazóns externas[editar | editar a fonte]

Commons
Commons ten máis contidos multimedia na categoría: Río Boyne