Pegásidos

A dos pegásidos (Pegasidae) é unha familia de peixes teleósteos da orde dos gasterosteiformes.

Coñecidos na bibliografía internacional como peixes dragón ou dragóns de mar', o seu xénero tipo é Pegasus.

Taxonomía

Descrición

A familia foi descrita en 1831 polo naturalista, ornitólogo. ictiólogo e político francés Charles Lucien Bonaparte.

Xéneros e especies

A familia comprende dous xéneros, coas especies que se indican:

• Eurypegasus Bleeker, 1863
  • Eurypegasus draconis (Linnaeus, 1766)
  • Eurypegasus papilio (Gilbert, 1905)
• Pegasus Linnaeus, 1758
  • Pegasus lancifer (Kaup, 1861)
  • Pegasus laternarius (Cuvier, 1816)
  • Pegasus volitans (Linnaeus, 1758)

Características

Duns 13 cm de lonxitude máxima, teñen o corpo ancho e moi deprimido, contido dentro de placas óseas, coa boca pequena e desdentada, así como un característico rostro longo e plano sobresaíndo dos orificios nasais.

As aletas dorsal e anal son curtas, sen espiñas e, polo xeral, con 5 raios suaves cada unha. As aletas pectorais son relativamente grandes e situadas horizontalmente, con máis de 10 raios.

Carecen de vexiga natatoria.

Aliméntanse de zoobentos diminutos coa axuda do seu fociño extremadamente protráctil. A desova ten lugar en augas abertas cerca da superficie.

Véxase tamén

Bibliografía

• Nelson, J. S. (2006): Fishes of the world. 4ª edición. New York: John Wiley & Sons, Inc. ISBN 978-0-4712-5031-9.

Outros artigos

• Gasterosteiformes