Paula Sueiro
| Biografía | |
|---|---|
| Nacemento | 27 de xullo de 1995  Ponteceso, España |
| Morte | 8 de febreiro de 2016 (20 anos) A Agualada, España |
| Datos persoais | |
| País de nacionalidade | España |
| Educación | Universidade de Santiago de Compostela |
| Actividade | |
| Ocupación | cantante |
| Lingua | Lingua galega |
| Instrumento | Voz |
Paula Sueiro Rodríguez, nada en Corme (Ponteceso) o 27 de xullo de 1995 e finada na Agualada (Coristanco) o 8 de febreiro de 2016[1], foi unha artista e cantante galega.
Traxectoria[editar | editar a fonte]
Sueiro deuse a coñecer como cantante en 2014 no programa Luar da TVG, na sección Recanteiros, onde se exploraban talentos comarcais. Nel participou varias veces representando a Costa da Morte. O programa tivo varias edicións anuais (2014 e 2015) e Sueiro integrouse no elenco habitual de presentadores do programa.
Ademais, Sueiro foi a impulsora dun concurso de busca de talentos musicais na comarca do comarca do Deza que chamou #Escóitame[2]. Neste proxecto tamén participou a lalinense Nelly Portas, recanteira como Sueiro. Tamén colaborou co Concello de Lalín e a Xunta de Galicia na gravación dun tema musical, nunha campaña institucional contra a violencia de xénero, neste caso a canda Silvia Villanueva[3].
Vida persoal[editar | editar a fonte]
Nada en Corme, era filla dunha muller de Zas e dun home de Corme, mudouse cun só uns días a vivir a Lalín, mais mantivo relación persoal e profesional coa Costa da Morte toda a súa vida. No tempo da súa morte, estudaba o ciclo formativo de grado superior correspondente ao título de técnico superior en Anatomía Patolóxica e Citodiagnóstico.
Finou nun accidente de automóbil ao saír da estrada o vehículo que guiaba e bater contra un poste[1].
Notas[editar | editar a fonte]
- ↑ 1,0 1,1 "Muere la cantante gallega Paula Sueiro en un accidente de tráfico". Faro de Vigo (en castelán). 8 de febreiro de 2016. Consultado o 9 de febreiro de 2016.
- ↑ "«Escóitame é un proxecto no que darlle voz a quen canta»". La Voz de Galicia. 23 de xullo de 2015. Consultado o 9 de febreiro de 2016.
- ↑ "Una canción desde Lalín contra la violencia de género". La Voz de Galicia (en castelán). 27 de xaneiro de 2015. Consultado o 9 de febreiro de 2016.