Oscar Pistorius

Oscar Pistorius

Biografía
Nacemento	22 de novembro de 1986 (37 anos) Sandton, Suráfrica (pt)
Datos persoais
País de nacionalidade	Suráfrica
Grupo étnico	Sul-africanos brancos (pt)
Educación	Universidade de Strathclyde Universidade de Pretória (pt) Pretoria Boys High School (en)
Altura	160 cm
Peso	78 kg
Actividade
Ocupación	atleta
Lingua	Lingua inglesa
Deporte	atletismo
Disciplina deportiva	corrida de velocidade (pt)
Participou en
2012	Xogos Olímpicos de 2012
setembro de 2008	Jogos Paralímpicos de Verão de 2008 (pt)
setembro de 2004	Jogos Paralímpicos de Verão de 2004 (pt)
Outro
Parella	Reeva Steenkamp (pt) (2012–2013)
Condenado por	homicídio culposo (pt)
Cronoloxía
2014	trial of Oscar Pistorius (en)
14 de febreiro de 2013	tiro (pt)

Oscar Pistorius

Oscar Leonard Carl Pistorius, nado o 22 de novembro de 1986 en Pretoria, é un atleta surafricano, especialista en velocidade.

Vida e discapacidade

Pistorius naceu sen peronés en ningunha das dúas pernas debido a unha malformación conxénita, e antes de facer o ano os doutores xa lle amputaran as dúas pernas por baixo do xeonllo. Estudou na escola e no instituto masculino de Pretoria, onde empezou a competir, coa axuda de próteses, en rugbi e wáter-polo. Logo dunha lesión de xeonllo, mudou eses deportes polo atletismo. Pistorius estuda xestión de empresas na Universidade de Pretoria.

Usaba para a competición deportiva unhas próteses transtibiais de fabricación islandesa, denominadas "Pés de Guepardo", valoradas en 3.000 €.

En novembro de 2021, as autoridades penitenciarias de Suráfrica puxeron en marcha os primeiros trámites procesuais para considerar a liberdade condicional de Oscar Pistorius, encarcerado polo asasinato da súa noiva.

Traxectoria deportiva

Medallas olímpicas
Ouro	200 m T44	Atenas 2004
Bronce	100 m T44	Atenas 2004

A primeira competición deportiva importante de Pistorius foron os Xogos Paraolímpicos de Atenas. Neles obtivo unha medalla de bronce nos 100 m da categoría T44 (amputados dunha e de dúas pernas), e a medalla de ouro de 200 m da mesma categoría, establecendo ademais un récord mundial de 21"97, por diante de atletas que si tiñan unha perna, coma estadounidenses Marlon Shirley e Brian Frasure.

A partir dese momento, Pistorius comezou a competir en probas dirixidas a atletas sen discapacidade. En 2005 rematou sexto nos campionatos de Suráfrica de 400 m (para atletas sen discapacidade), e na Copa do Mundo de Paraolímpicos de 2005 conseguiu as medallas de ouro de 100 m e 200 m, batendo ademais o seu récord anterior sobre os 200. En xullo de 2005 converteuse no primeiro atleta con discapacidade en competir nunha proba do Grand Prix, correndo os 400 m en Helsinqui. Nos Campionatos Mundiais de Atletismo para Discapacitados, Pistorius gañou as medallas de ouro en 100 m, 200 m e 400 m, rompendo unha vez máis o récord que el mesmo posuía sobre os 200 m. En marzo de 2007 foi subcampión de 400 m de Suráfrica, competindo contra atletas sen discapacidade.

É o actual titular dos récords mundiais de 100 m, 200 m e 400 m da categoría T44.

Polémica

Os extraordinarios resultados de Pistorius situaron as súas próteses na cerna da polémica, posto que houbo voces que protestaron a súa participación en competicións contra atletas sen discapacidade. De feito en 2006 a Federación Internacional de Atletismo (IAAF) prohibiulle cautelarmente a participación nos Xogos de Beixín de 2008, ao tempo que lle permitía a participación na competición paraolímpica.

Diferentes voces acusan a Pistorius de que distintos elementos das súas próteses, máis ca suplir as súas discapacidades, lle dan unha capacidade extra, incluídos os cravos das zapatillas. Pistorius e o seu adestrador, Ampie Louw, rexeitan as críticas e sinalan que ademais o seu sistema de próteses presenta numerosas desavantaxes en situacións de choiva, vento e que ademais tarda máis en comezar a correr cós atletas con pernas naturais. Os estudos realizados polo profesor Robert Gailey, da Universidade de Miami sinalan que este tipo de próteses devolven o 80% da enerxía que reciben, un terzo do resultado que ofrecen as pernas naturais.

O ditame inicial da IAAF foi revisado en xaneiro de 2008. Un informe independente encargado pola federación a un equipo do Instituto de Biomecánica da Universidade de Colonia sinalou que a prótese usada por Pistorius lle permite correr á mesma velocidade ca a calquera velocista, pero cun 30% menos de esforzo, o que supón para el unha vantaxe comparativa. Polo tanto, a IAAF determinou non lle permitir a súa participación nos Xogos de Beixín.