Omoplata

Na Galipedia, a Wikipedia en galego.
Omoplata
Pectoral girdle front diagram pt.svg
Vista anterior do tórax
Gray204.png
Vista posterior do tórax
Gray tema #50 202


O óso escápula ou omoplata é un óso do ombreiro, par, plano e compacto, de forma triangular, con dúas caras, anterior e posterior; tres bordos, superior, interior e exterior, e tres ángulos, superior, anterior e inferior

Atópase na parte posterior e superior do tórax; forma coa clavícula o esqueleto do ombreiro. Artéllase coa clavícula e co úmero

Estrutura[editar | editar a fonte]

Superficies[editar | editar a fonte]

Anterior[editar | editar a fonte]

A superficie anterior, volar ou frontal presenta unha gran cavidade, denominada fosa subescapular, que abrangue case toda a superficie. Serve para a inserción do músculo subescapular. Na zona máis superior e interno hai unha zona moito máis reforzada, que forma un ángulo de óso, denominado ángulo superior. Este ángulo serve de reforzo para soportar o peso do acromion

Posterior[editar | editar a fonte]

Escápula esquerda, superficie dorsal
Escápula esquerda, superficie costal

A superfice posterior ou dorsal ten unha espiña oblicua, ascendente de dentro a fóra. A espiña divide a superficie posterior en dúas porcións:

No bordo lateral ou axilar atópase unha tuberosidade ou crista ósea na que se insire un tabique osteofibrótico, que separa o músculo infra-espiñal do músculo redondo maior e do músculo redondo menor. Preto desta crista discorre a arteria circunflexa da escápula.

Ao longo deste bordo axilar insírese cranialmente o músculo redondo menor e na parte inferior, dando a volta ao ángulo inferior, o músculo redondo maior. Na parte máis distal do óso, na parte inferior do ángulo inferior, insírese o músculo grande dorsal.

Bordos[editar | editar a fonte]

A escápula ten tres bordos.

Bordo superior[editar | editar a fonte]

Artigo principal: Bordo superior da escápula.

É o bodo máis pequeno, cóncavo, que se estende ata o proceso coracoide escapular.

Bordo axilar ou lateral[editar | editar a fonte]

Artigo principal: Bordo axilar da escápula.

É o máis groso dos tres. Comeza por debaixo da cavidade glenoidea escapular e discorre en sentido oblicuo descendente, ata o ángulo inferior. Nos animais é o bordo inferior.

Bordo medial[editar | editar a fonte]

Artigo principal: Bordo medial da escápula.

O bordo medial ou vertebral é o máis longo dos tres. Describe unha traxectoria curvilínea moi aberta e se estende dende o ángulo superior ata o ángulo inferior. En animais refírese a el coma bordo dorsal.

Ángulos[editar | editar a fonte]

Hai tres ángulos na escápula, superior, inferior e lateral. O superior está cuberto polo músculo trapecio. O inferior está cuberto polo músculo grande dorsal. O lateral ou glenoide ten a cavidade glenoidea da escápula.

Acromion[editar | editar a fonte]

Artigo principal: Acromion.

O acromion é unha apófise ósea situada na parte superior da escápula. Forma parte da articulación acromio-clavicular e se artella coa clavícula na articulación acromio-clavicular.

Coracoide[editar | editar a fonte]

Artigo principal: Apófise coracoide da escápula.

A coracoide é outra apófise ósea da escápula, tamén da parte cranial do óso. Artéllase co acromion.

Véxase tamén[editar | editar a fonte]

Bibliografía[editar | editar a fonte]

  • Gray. Anatomy of the human body (en inglés). Edición de 1918 de dominio público.