Olympique Lyonnais
| Nome | Olympique Lyonnais | |||
|---|---|---|---|---|
| Alcume(s) | Les Gones | |||
| Fundación | 1899/1950 | |||
| Estadio | Stade Gerland, Lión, Francia |
|||
| Inauguración | 1920 | |||
| Capacidade | 40.500 | |||
| Presidente |  Jean-Michel Aulas |
|||
| Adestrador | Rémi Garde |
|||
| Liga | Ligue 1 | |||
| 2012–13 | 3º | |||
| Vestimenta | Adidas | |||
| Páxina web | Páxina web oficial | |||
|
||||
O Olympique Lyonnais ou Olympique de Lyon é un club de fútbol da cidade francesa de Lión, no departamento de Ródano. Foi fundado en 1950 e xoga na Ligue 1.
Índice |
Historia[editar]
O Olympique de Lión, club polideportivo, foi fundado en 1899 co nome de Lyon Olympique. En 1910 cambiou o seu nome a Lyon Olympique Universitaire. En 1942 o equipo volveuse profesional e en 1950 cambiou finalmente o nome polo actual.
Debutou na Ligue 1 na tempada 1945/1946. En 1964 gañou o seu primeiro título: a Copa de Francia. Cabe destacar que o seu primeiro título de Primeira División Francesa chegou recentemente na tempada 2001/02. Desde entón, tivo un extraordinario refacho de 7 títulos consecutivos, que acabou co terceiro lugar conseguido na tempada 2008-09. Así, o Lión converteuse no club con máis títulos obtidos de forma consecutiva (7).
Na tempada 2009-10 clasifícase por primeira vez á semifinal da Liga de Campións da UEFA ao vencer ao Girondins de Bordeaux cun resultado global de 3-2.
Uniforme[editar]
- Uniforme titular: Camiseta branca con dobre franxa horizontal vermella e azul, pantalón e medias brancas.
- Uniforme alternativo: Camiseta con parte superior negra e parte inferior vermella, pantalón e medias vermellas.
- Uniforme europeo: Camiseta azul mariño con dobre franxa horizontal vermella e azul, pantalón e medias azul mariño.
- Uniforme alternativo 2: Camiseta café, pantalón café e medias café.
Estadio[editar]
- Artigo principal: Stade Gerland.
O Stade Gerland, propiedade do Municipio de Lión, é o estadio local do Olympique de Lyon. Foi deseñado por Tony Garnier e comezouse a construír en 1913, aínda que se tivo que deter debido ao comezo da Primeira Guerra Mundial. En 1919 retomáronse as construcións coa axuda de varios prisioneiros de guerra alemáns. Ao ano seguinte o estadio xa estaba en funcionamento.
Orixinalmente, o estadio non tiña áreas para asentos e tivo varias remodelacións co correr do tempo. A pista de ciclismo que orignialmente rodeaba a cancha de fútbol tivo que ser eliminada en 1960 para poder ampliar o número de asentos a 50.000. En 1998, con ocasión do Mundial de Francia 1998, a FIFA ordenou que todos os estadios do Mundial terían que ser capaces de albergar a todos os seus espectadores sentados. Para poder cumprir tales mandamentos, o estadio tivo que ser novamente remodelado. A pista de atletismo, que substituíra á pista de ciclismo, tivo que ser eliminada; ademais, remodeláronse por completo as tribunas Norte e Sur. Tras finalizar as obras, a nova capacidade o estadio foi de 44.842 espectadores.
Xogadores[editar]
Cadro 2011/12[editar]
- Actualizado o 31 de xaneiro de 2012.
|
|
Palmarés[editar]
Torneos nacionais[editar]
- Ligue 1 (7): 2002, 2003, 2004, 2005, 2006, 2007, 2008
- Ligue 2 (3): 1951, 1954, 1989
- Copa de Francia (4): 1964, 1967, 1973, 2008
- Copa da Liga (1): 2001
- Supercopa de Francia (7): 1973, 2002, 2003, 2004, 2005, 2006, 2007
Torneos internacionais[editar]
- Copa Intertoto da UEFA (1): 1997
Ligazóns externas[editar]
- Sitio web oficial (en francés)
