Nicolas Pierre Tiolier
  | |
| Biografía | |
|---|---|
| Nacemento | 9 de maio de 1784 París, Francia |
| Morte | 25 de setembro de 1843 (59 anos) París, Francia |
| Lugar de sepultura | Cemiterio do Père-Lachaise, 25 Grave of Tiolier (en)  |
| Datos persoais | |
| País de nacionalidade | Francia |
| Actividade | |
| Ocupación | escultor , medallista |
| Membro de | |
| Lingua | Lingua francesa |
| Familia | |
| Cónxuxe | Anne-Adélaïde-Sophie Cléret |
| Fillos | Jeanne-Louise Tiolier (en) , Pierre-Henri Tiolier (en) |
| Pais | Pierre Joseph Tiolier e Marie-Marguerite Grosos (en) |
Premios | |
  | |
Nicolas Pierre Tiolier, nado en París o 9 de maio de 1784 e finado na mesma cidade o 25 de setembro de 1843, foi un escultor, medallista e gravador de moedas e de xemas francés.
En 1816 substituíu o seu pai, Pierre Joseph Tiolier, como décimo sexto gravador xeral de moedas de Francia e exerceu este cargo ata o 1 de xaneiro de 1843, cando tomou posesión del Jacques Jean Barre.[1][2]
Traxectoria[editar | editar a fonte]
Nicolas Pierre era fillo do tamén gravador e medallista Pierre Joseph Tiolier (1763-1819). Na súa xuventude foi alumno do seu pai, así como do gravador Romain Vincent Jeuffroy (1749-1826) e do escultor Claude Dejoux (1732-1816).[1][3][4]
Nicolas Pierre Tiolier obtivo en 1805 o primeiro Premio de Roma de gravado de medalla e pedra fina (unha bolsa do Esatdo francés para estudantes de Arte), pola súa obra Le Génie de la gravure présente un cachet à l'Empereur qui lui donne une couronner.[3][5] Como gañador deste premio, residiu en Villa Medici, en Roma, entre 1806 e 1811.[6]
En 1816 herdou do seu pai o cargo de gravador xeral de moedas de Francia. No exercicio desta responsabilidade foi o deseñador e gravador dos cuños dunha gran cantidade de medallas e dalgunhas das moedas máis sobranceiras cuñadas na Monnaie de Paris a nome de Napoleón I (1804-1815), Lois XVIII (1814-1824), Carlos X (1824-1830), Lois Filipe I (1830-1848).[7][8]
A Tiolier débeselle tamén o deseño dos selos estatais de Napoleón I, de Lois XVIII e de Carlos X.[10][11]
Foi un asiduo participante nos Salóns de París, onde expuxo as súas obras desde 1812 ata 1831, e na edición de 1824 acadou unha medalla de segunda clase.[12][13]
A súa sinatura nas moedas e medallas que deseñou ou que gravou é, habitualmente: TIOLIER, ou N. TIOLIER F ·, ou N · TIOLIER F·.[3][2]
O 23 de abril de 1821 recibiu o título de cabaleiro e o 31 de xullo de 1825 o de oficial da Lexión de Honra.[3][13]
Tiolier morreu en París o 25 de setembro de 1843 e foi soterrado no cemiterio Père Lachaise, de París.[14][15]
Escolma de traballos[editar | editar a fonte]
![Escultura: La Force asservie par l'Amour (1824).[16]](/wiki/Ficheiro:Compi%C3%A8gne_-_palais,_parc_12.jpg)
![Medalla: Antoine Roy (1820).[17][18]](/wiki/Ficheiro:France_5_Francs_1820_Medallic_Coin_Antoine_Roy.jpg)
![2 francos. Napoleón I (1815).[19]](/wiki/Ficheiro:2_francs_Cent-Jours,_1815,Paris.jpg)
![20 francos. Lois Filipe I (1831).[20]](/wiki/Ficheiro:20_Francs_Louis-Philippe_by_Nicolas_Pierre_Tiolier.jpg)
Notas[editar | editar a fonte]
- ↑ 1,0 1,1 Barre, A. (1867). Páxina 11.
- ↑ 2,0 2,1 Rodot, N. (1904). Páxina 378.
- ↑ 3,0 3,1 3,2 3,3 Forrer, L. (1916). Páxina 99.
- ↑ Parkes Weber, F. (1907). "Medals and medallions of the nineteenth century relating to England, by foreign artists". En Numismatic Chronicle. Royal Numismatic Society. 4ª serie. Vol. 7. Páxina 259
- ↑ Marx, R. (1897). Páxina 37.
- ↑ Rambach, H. J. (2013).
- ↑ Moedas francesas gravadas por N. P. Tiolier. Numista.com
- ↑ Forrer, L. (1916). Páxinas 100-102.
- ↑ Texto da lápida (fragmento): [...] Ici repose Nicolas Pierre TIOLIER ancien graveur général des monnaies, officier de la légion d'honr et de Sainte Anne de Russie, né à Paris le IX mai MDCCLXXXIV, décédé à Paris le XXV septembre MDCCCXLII [...]
- ↑ Forrer, L. (1916). Páxina 102.
- ↑ Huet, E. (1915). "Le sceau du roi Louis XVIII". En Bulletin de la Société archéologique et historique de l'Orléanais. Tomo XVII. Nº 208.Páxinas 177-178.
- ↑ Forrer, L. (1916). Páxina 100.
- ↑ 13,0 13,1 Bellier de La Chavignerie, E. (1882). Páxina 576.
- ↑ "Tiolier, Pierre Nicolas (1784-1843)". Cimetière du Père Lachaise.
- ↑ "Nicolas Pierre Tiolier". Find a Grave.
- ↑ Rambach, H. J. (2013). Páxina 22.
- ↑ "Pièce de plaisir, module de 5 francs, pour le ministre secrétaire d’État M. Roy 1820". Cgb.fr
- ↑ "Louis XVIII, module de 5 francs, MR ROY VISITE LA MONNAIE, 1820 PARIS". iNumis.com
- ↑ "2 Francs - Napoléon I". Numista.com
- ↑ "20 Francs - Louis-Philippe". Numista.com
Véxase tamén[editar | editar a fonte]
 |
Wikimedia Commons ten máis contidos multimedia na categoría: Nicolas Pierre Tiolier  |
Bibliografía[editar | editar a fonte]
- Barre, A. (1867). Graveurs Généraux et particuliers des Monnaies de France, Contrôleurs Généraux des Effigies, Noms de quelques graveurs en Médailles de la Renaissance Française. Pillet Fils, París.
- Bellier de La Chavignerie, E. (1882). "Tiolier (Pierre-Nicolas)". En Dictionnaire général des artistes de l'École française depuis l'origine des arts du dessin jusqu'à nos jours: architectes, peintres, sculpteurs, graveurs et lithographes. Tomo 2. Renouard, París. Páxinas 575-576.
- Forrer, L. (1916). "Tiolier, Nicolas Pierre". Biographical Dictionary of Medallists. Vol. 6. Spink & Son. Londres. Páxinas 99-102.
- Marx, R. (1897). Les Médailleurs français depuis 1789, notice historique, suivie de documents sur la glyptique au XIXe siècle. Société de propagation des livres d'art, París.
- Rambach, H. J. (2013). "Nicolas Pierre Tiolier". En Bulletin Numismatique CGB.fr. Nº 121. Xullo. Páxinas 20-23.
- Rodot, N. (1904). Les médailleurs et les graveurs de monnaies, jetons et médailles en France. Leroux, París.
Outros artigos[editar | editar a fonte]
| Predecesor: Pierre Joseph Tiolier |
 Gravador xeral de moedas de Francia 1816 - 1842 |
Sucesor: Jacques Jean Barre |
