Nervio mediano
Na Galipedia, a Wikipedia en galego.
| Nervio mediano | |
|---|---|
 |
|
| Diagrama da Gray's Anatomy, representanto os nervios periféricos do membro superior, aparecendo o nervio mediano entre outros | |
| Latín | nervus medianus |
| Gray: | subject #210 938 |
| Inervación | Compartimento anterior do antebrazo (con dúas excepcións), Eminencia tenar, lumbricais, pel da man |
| Proveniente de: | Fascículo lateral e Fascículo medial |
| MeSH | Median+Nerve |
O nervio mediano é unha póla terminal do plexo braquial. Está formado por dous feixes, un externo que procede do tronco secundario superior, e un interno que procede do tronco secundario inferior. O nervio fórmase na axila, vai pola parte interna do brazo e chega ata o cóbado pola corredoira bicipital. Despois diríxese á rexión anterior do antebrazo e ocupa o espazo entre o flexor común superficial e o flexor común fondo dos dedos. Chega á man entre ambos flexores e pasa a través da corredoira flexora interna. Xa na man dá lugar a seis pólas terminais.
Pólas colaterais [editar]
Saen do nervio dende axila ata a man.
- Póla sensitiva anastomótica co nervio musculo-cutáneo
- Póla sensitiva articular para o cóbado
- Póla sensitiva cutánea para a parede externa da man
- Pólas motoras: o nervio mediano inerva mediante pólas colaterais motoras aos seguintes músculos:
- Pronador redondo
- Palmar maior
- Palmar menor
- Flexor común superficial dos dedos da man
- Fascículo externo do flexor común dos dedos
- Flexor longo do I dedo
- Pronador cadrado
Estas pólas constitúen o eixo neuromuscular do nervio mediano no antebrazo.
Pólas terminais [editar]
As seis pólas distribúense pola man:
- Primeira póla: motora pura, inerva aos músculos da eminencia tenar (abductor curto do I dedo, flexor curto do I dedo, oponente do I dedo).
- Segunda póla: sensitiva, dá a primeira colateral palmar.
- Terceira póla: dá a segunda colateral palmar.
- Cuarta póla: é mixta, cun compoñente motor para o primeiro músculo lumbrical e cun compoñente sensitivo que son a terceira colateral palmar e dorsal.
- Quinta póla: é mixa, cun compoñente motor para o segundo músculo lumbrical e cun compoñente sensitivo que son a cuarta e quinta colaterais palmares e dorsais.
