Miguel-Anxo Murado
Miguel-Anxo Murado López, nado en Lugo o 2 de maio de 1965, é un escritor, xornalista e guionista galego.
Estudou Xeografía e Historia, especializándose en Arqueoloxía. En 1983 gañou o premio Café Gijón de novela curta en castelán con Metamorfosis benezianas. En 1985 publicou o seu primeiro libro en galego, Bestiario dos descontentos, un conxunto de relatos, ao que seguíu en 1986 De soños e derribos (máis tarde titulado "Memoria de derribos"), Ruído. relatos de guerra (1995), Mércores de cinza (1997), "Caderno de Xapón" (2000), "Lapidario" (2003) e "O soño da febre" (2007). Foi guionista de series como Pratos combinados e Mareas vivas e de longrametraxes como "La ley de la frontera" (Adolfo Aristain) e "Finisterre" (Xavier Villaverde). Como xornalista foi director de Radio Círculo (Madrid) e correspondente de guerra nos Balcáns (1991-1993). Residiu durante varios anos en Oriente Medio, onde, traballando para as Nacións Unidas, foi sucesivamente xefe de relacións exteriores do Ministerio de Medio Ambiente de Palestina e do Ministerio para Belén 2000. Máis adiante foi correspondente en Xerusalén do diario El Mundo durante os tres primeiros anos da Intifada. Actualmente é articulista de La Voz de Galicia.
En 2008 recibiu o Premio da Crítica Galicia pola súa obra O soño da febre, dentro da sección de Creación Literaria.
É irmán do pintor Antonio Murado.
Obras
En galego
Narrativa
- De soños e derribos, 1986. Publicado como Memoria de derribos en 1993.
- Ruído. relatos de guerra, 1995
- Mércores de cinza, 1997
- O soño da febre, 2007
- Fin de século en Palestina, 2008
Poesía
- Bestiario dos descontentos, 1985, ilustrado por Antonio Murado.
- Lapidario, 2000
Teatro
Ensaio
- Luis Pimentel, unha fotobiografía, 1990, biografía de Luís Pimentel.
- Caderno de Xapón, 2000
En castelán
- Metamorfosis benezianas, 1983, narrativa
- La Segunda Intifada. Historia de la revuelta palestina, 2008, ensaio
- Otra idea de Galicia, 2008, ensaio.