Michael Crichton

Michael Crichton

Michael Crichton, nado en Chicago, Illinois, o 23 de outubro de 1942 e falecido nos Ánxeles, California, o 5 de novembro de 2008, foi un escritor, produtor e médico estadounidense.

Traxectoria

Tras titularse en medicina en Harvard, empezou a súa carreira como escritor, guionista e produtor de cine. Algúns chámano o pai do tecno-thriller.

Vendeu máis de 100 millóns de libros ^{[Cómpre referencia]}, que foron traducidos a máis de trinta idiomas ^{[Cómpre referencia]}, converténdose doce deles en películas de cine. Tamén é o creador da serie de televisión Urxencias. Foi a única persona que tivo o libro número un, a película número un e a serie de televisión número un no mesmo instante ^{[Cómpre referencia]}.

A súa novela, State of Fear de 2004, pon de manifesto o seu actual activismo escéptico, orientado a denunciar o que el considera o compoñente sensacionalista e relixioso do ecoloxismo, así como a incursión da política no campo da ciencia. É, por exemplo, moi crítico co consenso científico que existe en torno á actual teoría do quecemento global.

Pese á súa predilección polas novelas tecnocientíficas, Crichton carece de formación científica fóra da medicina, e o argumento dalgúns dos seus libros (como a posibilidade de recuperar o xenoma completo dun dinosaurio en "Parque Xurásico" ou a ausencia de relación entre o quecemento global e a actividade humana en "Estado de Medo") baséase en supostos científicos desenvolvidos por amigos próximos. Exemplo diso son as teorias matemáticas de Parque Xurásico expostas por Alan Grant (paleontólogo no libro). A pesar da credibilidade dos seus argumentos, Michael Crichton especifica nos seus libros que se trata de novelas de ficción, polo que non hai que tomalas ó pé da letra.

En 1994 estreouse a película baseada na súa obra Acoso, protagonizada por Michael Douglas e Demi Moore, sendo tamén coprodutor da mesma.

Novelas

Ningunha das súas novelas foi publicada aínda en galego.

• The Andromeda Strain (1969)
• The Terminal Man (1972)
• The Great Train Robbery (1975)
• Eaters Of The Dead (1976)
• Congo (1980)
• Sphere (1987)
• Jurassic Park (1990)
• Rising Sun (1992)
• Disclosure (1994)
• The Lost World (1995)
• Airframe (1996)
• Timeline (1999)
• Prey (2002)
• State of Fear (2004)
• Next (2006)

Vida persoal

Faleceu de cancro.

Véxase tamén

Ligazóns externas

• Web oficial de Michael Crichton