José Rodríguez Mourelo
  | |
| Biografía | |
|---|---|
| Nacemento | 1857 Lugo, España |
| Morte | 21 de novembro de 1932 (74/75 anos) Madrid, España |
 Deputado no Congreso dos Deputados | |
| 25 de xaneiro de 1930 – 15 de febreiro de 1930 | |
 Membro da Asemblea Nacional Consultiva | |
| 25 de xaneiro de 1930 – 15 de febreiro de 1930 | |
| Datos persoais | |
| País de nacionalidade | España |
| Educación | Universidade de Santiago de Compostela |
| Actividade | |
| Ocupación | químico , político |
| Membro de | |
| Lingua | Lingua castelá |
| Familia | |
| Pai | Antonio Rodríguez Pérez |
  | |
José Rodríguez Mourelo, nado en Lugo o 24 de febreiro de 1857 (aínda que segundo outras fontes, naceu o 21 de novembro)[1] e finado en Madrid o 21 de novembro de 1932,[2] foi un químico galego.
Traxectoria[editar | editar a fonte]
Fillo de Antonio Rodríguez Pérez, alcalde de Lugo. Estudou nas Universidades de Santiago, onde foi alumno de Antonio Casares,[2] e Madrid, ampliou estudos en Xenebra e París. Foi profesor de Química no, chamado daquela, Instituto masculino de Lugo -hoxe IES Lucus Augusti- durante os cursos 1876-1878 e, posteriormente, en 1900, conseguiu a praza de profesor de Química Industrial e Orgánica na Escola Central de Artes e Industrias de Madrid.[3] Foi conselleiro de Instrución Pública e de Agricultura.[4][3] Tamén foi profesor da Institución Libre de Enseñanza.[3]
Formou parte do Comité Internacional para a publicación das Táboas Físico-Químicas e pertenceu a diversas corporacións científicas nacionais e estranxeiras, Colaborou en periódicos e revistas como Revista Europea, Revista de España, Revista contemporánea (1897-), La Ilustración española (1897-)... con artigos científicos.
Foi nomeado individuo de número da Real Academia de Ciencias Exactas, Físicas e Naturais[4] en 1902, chegando a ser presidente da Sección de Física e Química.[1] Foi tamén membro de distintas sociedades como a Real Sociedade de Física e Historia Natural de Xenebra ou a Comisión Internacional das Táboas Físico-Químicas.[3]
Entre as súas obras publicadas destacaron os traballos sobre a radioactividade, a materia radiante e a radiofonía.
Tamén foi bibliotecario do Ateneo de Madrid.[4]
Casou coa escritora Francisca González Garrido, Fanny Garrido, viúva de Marcial del Adalid.[5]
Obras[editar | editar a fonte]
- La civilización moderna Arquivado 19 de xuño de 2023 en Wayback Machine., 1880.
- Concepto actual del Cosmos Arquivado 19 de xuño de 2023 en Wayback Machine., 1880.
- Concepto de la energía Arquivado 11 de febreiro de 2021 en Wayback Machine., 1882.
- La radiofonía, 1883.
- Del método experimental en la Psicología, 1884.
- Historia, progresos y estado actual de las ciencias naturales en España Arquivado 11 de febreiro de 2021 en Wayback Machine., 1886.
- La noción del cuerpo simple en la Química moderna, 1887.
- Condición de los labradores en Galicia, 1890.
- Llave para la resolución de problemas en el laboratorio de Química de la Escuela general preparatoria de Ingenieros y Arquitectos, 1890.
- Los derivados del petroleo, 1891.
- Apuntes sobre algunos descubrimientos científicos realizados por españoles en América, 1892.
- Las disoluciones sólidas, artigo publicado na Revista da Real Academia de Ciencias Exactas, Físicas y Naturales de Madrid (Tomo IV). Impr. La Gaceta de Madrid, 1906
Recoñecementos[editar | editar a fonte]
En 1908, foi nomeado Cabaleiro da Lexión de Honra de Francia.[3]
Notas[editar | editar a fonte]
- ↑ 1,0 1,1 Fernández García, Mª Isabel (2013). "A química en Lugo.Estudos académicos e lucenses eximmios na materia". Lucensia. XXIII (46): 25–40. ISSN 1130-6831.
- ↑ 2,0 2,1 Cora, José de (26 de febreiro de 2020). "Rodríguez Mourelo, pionero de la radiactividad". bitacoradecora.galiciae.com (en castelán). Consultado o 19 de xuño de 2023.
- ↑ 3,0 3,1 3,2 3,3 3,4 Pellón González, Inés (2018). "José Rodríguez Mourelo". Real Academia de la Historia (en castelán). Consultado o 19 de xuño de 2023.
- ↑ 4,0 4,1 4,2 Ossorio y Bernard (1903), p. 388
- ↑ Cora, José de (5 de febreiro de 2019 [actualizdo o 26 de febreiro de 2020]). "José Rodríguez Mourelo". elprogreso.es (en castelán). Consultado o 19 de xuño de 2023.
Véxase tamén[editar | editar a fonte]
Bibliografía[editar | editar a fonte]
- Ossorio y Bernard, Manuel (1903). "Rodríguez Mourelo (José)". Ensayo de un catálogo de periodistas españoles del siglo XIX (en castelán). Madrid: Imprenta y litografía de J. Palacios.
