José Ramón Romero García
| Biografía | |
|---|---|
| Nacemento | 16 de xullo de 1975  (48 anos)Boiro, España |
| Alcalde de Boiro | |
| | |
| Datos persoais | |
| País de nacionalidade | España |
| Actividade | |
| Ocupación | empresario , político |
| Partido político | Partido dos Socialistas de Galicia |
José Ramón Romero García, Martiño, nado en Boiro o 16 de xullo de 1975, é un político e empresario galego do PSdeG-PSOE.
Traxectoria[editar | editar a fonte]
Carreira profesional[editar | editar a fonte]
Xerente da empresa familiar Autoescolas Martiño. Foi presidente da Federación de Empresarios do Barbanza de 2012 a 2017. Así mesmo, foi membro da xunta directiva da Asociación Boirense de Empresarios, formou parte do consello social da Universidade da Coruña e foi secretario da Asociación de Autoescolas de Galicia.
Carreira política[editar | editar a fonte]
En novembro de 2018 foi proposto pola executiva local do PSdeG-PSOE de Boiro como candidato á alcaldía desta formación nas eleccións municipais de 2019.[1] En ditos comicios o PSdeG logrou unha mellora substancial dos seus resultados, pasando de 2 a 5 concelleiros e conseguindo que o PPdeG perdese a maioría absoluta que ostentara os dous anteriores mandatos. Deste xeito, foi investido alcalde co apoio do BNG, a marea Boiro Novo e o exalcalde e exsocialista Manuel Velo Velo de ICBoiro.[2] Gobernou en minoría ata outubro de 2021, cando chegou a un acordo de goberno coa edil de Boiro Novo e o concelleiro electo por Ciudadanos, que abandonou dita formación.[3] Dende febreiro de 2022 forma parte da Executiva Provincial coruñesa do PSdeG como Secretario de Industria. Nas municipais de 2023 encabezou de novo a candidatura socialista e foi reelixido alcalde con maioría absoluta.[4]
Vida persoal[editar | editar a fonte]
Está casado e ten dous fillos.
Notas[editar | editar a fonte]
- ↑ Lorenzo, A. (4 de novembro de 2018). "El PSOE confirma a José Ramón Romero como candidato a la alcaldía de Boiro". lavozdegalicia.es (en castelán). Consultado o 29 de xaneiro de 2024.
- ↑ Blanco, M.X. (16 de xuño de 2019). "Martiño asume la alcaldía boirense con el reto de cumplir la demanda colectiva de transparencia". lavozdegalicia.es (en castelán). Consultado o 29 de xaneiro de 2024.
- ↑ Sevilla, Álvaro (06 de outubro de 2021). "El gobierno de Boiro se convierte en tripartito para superar el «bloqueo»". lavozdegalicia.es (en castelán). Consultado o 29 de xaneiro de 2024.
- ↑ Redacción (21 de xullo de 2023). "Romero configura la organización del gobierno de Boiro según las aptitudes de los concejales". lavozdegalicia.es (en castelán). Consultado o 29 de xaneiro de 2024.
Véxase tamén[editar | editar a fonte]
Outros artigos[editar | editar a fonte]
| Predecesor: Juan José Dieste |
 Alcalde de Boiro 2019 - actualidade |
Sucesor: no cargo |