Ghedi

Ghedi

Localización
45°24′07″N 10°16′49″L
Estado	Italia
Rexión	Lombardía
Provincias	Provincia de Brescia
Capital	Ghedi
Poboación
Poboación	18.497 (2023) (308,28 hab./km²)
Xeografía
Superficie	60 km²
Altitude	85 m
Comparte fronteira con	Bagnolo Mella (pt) Montichiari (pt) Calvisano (pt) Gottolengo (pt) Leno (pt) Castenedolo (pt) Isorella (pt) Borgosatollo (pt) Montirone (pt)
Santo padrón	Roque de Montpellier
Identificador descritivo
Código postal	25016
Fuso horario	UTC+01:00, horario estándar UTC+02:00, horario de verán
Prefixo telefónico	030
Identificador ISTAT	017078
Código catastral italiano	D999
Páxina web	comune.ghedi.brescia.it

Ghedi (Ghét no dialecto bresciano) é un municipio (comune) situado na provincia de Brescia (Lombardía). Ten dúas aldeas (frazioni), Belvedere e Ponterosso.

A cidade é a sede dun destacamento da Aeronautica Militare italiana, situado no aeroporto de Ghedi, onde se sitúa a estación meteorolóxica de Brescia-Ghedi.

Xeografía e demografía

O concello de Ghedi ten unha extensión de 60,84 km² e unha poboación de 18 910 habitantes (segundo o censo de 30 de novembro de 2009), do que resulta unha densidade de poboación de 310,82 hab/km². A súa poboación, segundo datos do ISTAT (Istituto nazionale di statistica), está medrando máis do 10 % por década.

Os seus habitantes, chamados ghedesi, falan, ademais do italiano, a lingua lombarda, na súa variedade do dialecto bresciano.

Situada a 85 m sobre o nivel do mar, o núcleo antigo da localidade formouse ao redor dun recinto fortificado, cuxo lugar, aínda hoxe, chaman o Castello.

Desde o 22 de xuño de 2009, o alcalde (Sindaco) é Lorenzo Borzi, da coalición Fratelli d'Italia - Alleanza Nazionale (FdI-AN), de centro dereita.

Igrexa parroquial de Sª Mª Assunta. Campanario e ábsida.

A igrexa parroquial foi reedificada na primeira metade do século XVII sobre unha basílica románica do século VIII.

En Ghedi ten a sede a Sexta Ala (6° Stormo) das Forzas aéreas de Italia (Aeronautica Militare), xunto ao aeroporto de Ghedi-Castenedolo, onde está localizada a estación meteorolóxica de Brescia-Ghedi.

Monumentos e lugares de interese

• Chiesa Parrocchiale (Igrexa parroquial): constuída sobre unha igrexa parroquial antiga, é un edificio do século XVII. Acaroado a ela encóntrase o campanario, do século XV (Quattrocento).
• Palazzo comunale (Casa do Concello): de orixe medieval con trazas arquitectónicas dos séculos XV e XVI.
• Loggia delle grida: do Quattrocento
• Chiesetta della Beata Vergine di Caravaggio (Capela da Beata Virxe de Caravaggio: construída en 1759.
• Santuario dei Morti della Fossetta ou de San Rocco (san Roque): construído en memoria da peste de 1630.
• Palazzo Mondella: do século XVIII, coa fachada decorada con escudos de armas.
• Palazzo Ochi: do século XVIII.

Personaxe célebre relacionado con Ghedi

• Lois II o Mozo, rei de Italia e emperador de Occidente, morreu en Ghedi o 12 de agosto de 875.

Galería de imaxes

• 
  Intarior da igrexa de Santa Maria Assunta.
• 
  Chiesetta Beata Vergine di Caravaggio.
• 
  Santuario dei Morti della Fossetta ou de San Rocco.
• 
  Palazzo Comunale.

• 
  Palazzo Mondella.
• 
  Palazzo Ochi.
• 
  Estación ferroviaria.
• 
  Avión das Forzas Aéreas italianas no aeroporto de Ghedi.

Véxase tamén

Bibliografía

• Angelo Bonini (2008). La chiesa parrocchiale di S. Maria Assunta in Ghedi. Origini, storia, arte, società. Brescia: Fondazione Civiltà Bresciana. ISBN 978-8855900003. 
• Angelo Bonini (2012). Il santuario della Madonna di Caravaggio in Ghedi. Brescia: BAMS. ISBN 978-8890552984. 
• Angelo Bonini (2016). Il convento di Santa Maria delle Grazie in Ghedi. Brescia: BAMS. ISBN 978-88-97941-16-3. 

Outros artigos

• Provincia de Brescia

Ligazóns externas

• Web oficial da Comune di Ghedi (en italiano). Consultada o 14 de novembro de 2016.