George A. Romero

Na Galipedia, a Wikipedia en galego.
George Romero no Festival de Cine de Venecia no 2011.

George A. Romero, nado en Nova York o 4 de febreiro de 1940, é un director de cine estadounidense.

Traxectoria[editar | editar a fonte]

O seu avó naceu na Mourela do Medio (Neda), no fondo da ría de Ferrol, e emigrou a Cuba, aínda que sempre regresaba a Galicia cando a muller estaba embarazada, porque quería que os seus fillos nacesen nese país[1][2], que relata as orixes do director. É por iso que, aínda que fose circunstancialmente, tamén o pai de George A. Romero, Jorge Marino Romero, naceu en Galicia, posiblemente na Coruña, e alí viviu até os dous anos de idade. Criouse en Cuba, pero emigrou moi novo a Nova York, ao Bronx, onde se instalaría finalmente e casaría con Ann Dvorski, unha muller de orixe lituana.

Comezou a rodar curtametraxes e anuncios en 1960. Tras unha primeira experiencia no terror fundou cuns amigos a produtora Images Ten Productions, coa que filmou en 1968 A noite dos mortos viventes, que se convertería nunha película de culto.

Considerado o grande creador das películas de zombis (ás que volvería repetidamente na súa carreira), nas súas películas emprega o terror para reflexionar sobre temas sociais, como o racismo (Night of the Living Dead), o consumismo (Dawn of the Dead) ou a loita de clases (Land of the Dead)

Notas[editar | editar a fonte]

  1. George A Romero: un director de cine casi nedense, Manuel Pérez Grueiro en Revista de Neda, 11, republicado na web da Central Librera
  2. Os zombis teñen orixe galega, Praza Pública, 1/10/2013.

Véxase tamén[editar | editar a fonte]

Ligazóns externas[editar | editar a fonte]