Fleur Kemmers
| Biografía | |
|---|---|
| Nacemento | 4 de decembro de 1977 Rhenen, Países Baixos (pt)   |
| Datos persoais | |
| País de nacionalidade | Neerlandesa. |
| Educación | - Universidade de Ámsterdam. - Universidade de Nimega. |
| Coñecido por | Estudos de numismática romana. |
| Actividade | |
| Campo de traballo | Numismática, historiografía e arqueoloxía. |
| Ocupación | arqueóloga , profesora universitaria , numismático |
| Empregador | Universidade de Frankfurt |
 | |
Fleur Kemmers, nada o 4 de decembro de 1977 en Rhenen, Utrecht, é unha arqueóloga, numismática e académica neerlandesa, profesora de Moeda e Diñeiro na Antigüidade na Universidade Goethe de Frankfurt.[1][2][3][4]
Traxectoria[editar | editar a fonte]
Kemmers graduouse en Arqueoloxía na Universidade de Ámsterdam en 1996 e, logo do seu mestrado, en 2000 trasladouse a Nimega para desenvolver o seu doutoramento na Universidade Radboud, desa cidade. As súas investigacións naquel momento centráronse nas moedas romanas atopadas na fortaleza lexionaria de Nimega, examinando o seu uso e a súa subministración na rexión do baixo Rin no século I d. de C. Fleur Kemmers acadou o seu doutoramento en 2005 e a súa tese foi publicada o ano seguinte.[1][2][5]
En 2003, Kemmers traballou tamén no Museo Real de Moedas e Medallas dos Países Baixos en Leiden, onde publicou achados monetarios no forte auxiliar (castellum) de Albaniana. Logo do seu doutoramento continuou a traballar na Universidade Radboud como investigadora, centrándose daquela nas moedas romanas do período militar da dinastía Severa (193-211), e en 2008 e 2009 foi profesora na mesma universidade.[2]
En 2010, Fleur Kemmers ingresou no departamento de Arqueoloxía Clásica da Universidade Goethe de Frankfurt, en Alemaña, para ocupar a praza de Moeda e Diñeiro na Antigüidade.[4][6] En paralelo ao seu labor docente, Kemmers continuou coas súas investigacións e os seus traballos acerca das cuñaxes romanas, entre os que cabe salientar a organización dunha exposición de moedas da colección da Universidade de Erlangen-Nuremberg, en 2014.[2][7]
En 2017 presentou unha investigación que ela codirixe xunto con Katrin Westner, baseada na análise de moedas romanas, na que se demostra a variación na composición das aliaxes de cuñaxe e a propagación da prata desde Hispania logo da derrota de Aníbal.[8][9][10]
Tamén é frecuente a aparición de Fleur Kemmers como especialista en documentais relativos á historia de Roma e á arqueoloxía.[11]
Recoñecementos[editar | editar a fonte]
- 2005: Premio W.A.Van Es, de arqueoloxía dos Países Baixos.[2][3][12]
- 2006: Premio cuadrienal da Sociedade Real de Numismática de Bélxica.[2][3]
- 2007: Premio X-ray Research, de WISER (Women in Science, Education and Research).[2][3]
Publicacións[editar | editar a fonte]
Monografías[editar | editar a fonte]
- (2006): Coins for a legion. An analysis of the coin finds from the Augustan legionary fortress and Flavian canabae legionis at Nijmegen. Maguincia. Philipp von Zabern. ISBN 9783805337304
- (2009): Coins in context I: new perspectives for the interpretation of coin finds. Maguncia. P. von Zabern (con H-Mvon Kaenel). ISBN 9783805340915
- (2014): Lege artis: Festschrift für Hans-Markus von Kaenel. Bon. Habelt. ISBN 9783774939110
- (2019): The functions and use of Roman coinage: an overview of 21st century scholarship. Leiden. Boston Brill. ISBN 9789004413528
Escolma de artigos[editar | editar a fonte]
- (2003): "Quadrantes from Nijmegen: small change in a frontier province." En Schweizerische Numismatische Rundschau. 82. Páxinas 17-35. Sociedade Suíza de Numismática.
- (2004): "Caligula on the Lower Rhine: coin finds from the Roman fort of Albaniana (The Netherlands)". En. Revue Belge de Numismatique et de Sigillographie. 150. Páxinas 15-49. Sociedade Real de Numismática de Bélxica.
- (2009): "From bronze to silver: Coin circulation in the early third century AD". En Revue Belge de Numismatique et de Sigillographie. 155. Páxinas 143-158. Sociedade real de Numismática de Bélxica.
- (2009): "De Romeinse muntvondsten van het terrein De Hoge Woerd in De Meern (gemeente Utrecht)". En Jaarboek voor Munt- en Penningkunde. 95. Páxinas 1-64.
- (2011). "Rethinking numismatics. The archaeology of coins Arquivado 29 de maio de 2020 en Wayback Machine." (con N. Myrberg). En Archaeological Dialogues. 18(1). Páxinas 87-108. Cambridge University Press.
Notas[editar | editar a fonte]
- ↑ 1,0 1,1 "Prof. Dr. Fleur Kemmers". Goethe Universität Frankfurt am Main.
- ↑ 2,0 2,1 2,2 2,3 2,4 2,5 2,6 "Kemmers, Fleur". En Coins Weekly. 20 de abril de 2016.
- ↑ 3,0 3,1 3,2 3,3 "Prof. Dr. Fleur Kemmers". Academia.net. Swiss National Science Foundation.
- ↑ 4,0 4,1 "Prof. Dr. Fleur Kemmers Arquivado 24 de febreiro de 2020 en Wayback Machine.". Numismatische Kommission der Länder in der Bundesrepublik Deutschland.
- ↑ Véxase (2006) en "Publicacións".
- ↑ "Neue Professur am Institut für Archäologische Wissenschaften der Uni Frankfurt". En Archaeologie Online. 2 de agosto de 2009.
- ↑ "Ausstellung: Münzen der Antike". Friedrich-Alexander Universität Erlanger-Nürnberg. 30 de xaneiro de 2014.</r ef> Entre 2016 e 2019 dirixiu o proxecto Syria Antiqua: objects and their stories in numismatics, de dixitalización das moedas grecorromanas da colección dos Museos Estatais de Berlín.<ref>"Syria Antiqua: objects and their stories in numismatics (additional funding for refugee scholars)". Digital Science & Research Solutions.
- ↑ "Analysis finds defeat of Hannibal 'written in the coins of the Roman Empire'. Science Daily.
- ↑ Pruschmann, S. B. (2017). "Roman Change: Ancient Coins Reveal Rise of an Empire". En Live Science. 16 de agosto.
- ↑ Forssman, A. (2017). "Roma se convirtió en una superpotencia gracias a la plata ibérica Arquivado 29 de maio de 2020 en Wayback Machine.". En National Geographic. 14 de agosto.
- ↑ "Fleur Kemmers". IMDb.
- ↑ "W.A. van Es-prijs". Rijksdienst voor het Cultureel Erfgoed.
