TD Garden

Na Galipedia, a Wikipedia en galego.
(Redirixido desde "FleetCenter")
TD Garden
TD Garden.JPG
Flag of the United States.svg TD Garden
Datos
Localización Flag of Massachusetts.svg Boston, Massachusetts
Outros nomes Shawmut Center (1995)
FleetCenter (1995-2005)
TD Banknorth Garden (2005-2009)
Construción
Inauguración 30 de setembro de 1995
Arquitecto Ellerbe Becket, Inc.
Custo $165 millóns
Estadio
Capacidade Baloncesto: 18.624
Hóckey sobre xeo: 17.565
Propietario Delaware North Companies
Localía Boston Celtics (NBA)
Boston Bruins (NHL)
Boston Blazers (NLL)
Eventos

O TD Garden é un pavillón deportivo localizado no barrio North End, Boston, Massachusetts. O nome actual ven dado polo seu patrocinador, o banco TD Banknorth, pero a miúdo é chamado simplemente polo seu nome coloquial ou tradicional The Garden ou Boston Garden, sendo anteriormente coñecido como FleetCenter e Shawmut Center. É o pavillón de xogo dos Boston Celtics da NBA, dos Boston Bruins da liga de hockey sobre xeo NHL e a partir de 2008 dunha franquía da liga de Lacrosse NLL, os Boston Blazers.

Historia[editar | editar a fonte]

TD Banknorth Garden

O pavillón foi construído para substituír ao mítico Boston Garden. O 5 de xaneiro de 2005, o dono do Fleet Center, Delaware North Companies, anunciou un acordo que deixou á Delaware North libre de mercar os dereitos do nome a outro patrocinador. E o 3 de marzo de 2005, o banco TD Banknorth, filial do Toronto-Dominion Bank, anunciou a merca dos dereitos do nome. A compañía nomeou ao pavillón TD Banknorth Garden, en honor ao histórico Boston Garden.

Como dato curioso, o FleetCenter realizou a poxa dos dereitos do nome á eBay, e dende o 10 de febreiro ata o 13 de marzo de 2005, Fleet Center vendeu os dereitos ata en 30 ocasións. Incluíndo o actual nome de TD Banknorth Garden, o pavillón chegou a ter 33 nomes distintos. Durante a etapa do Fleet Center, o pavillón foi coñecido polos periodistas deportivos como "The Vault" (A Bóveda). O TD Banknorth Garden tamén alberga a Estación Norte de trens e ao metro de Boston.

Eventos[editar | editar a fonte]

Neste pavillón tamén se celebra o Beanpot, un torneo de hóckey que acolle ás universidades de Boston, e do campionato da Hockey East, unha das conferencias do hockey universitario. O pavillón tamén acolleu eventos deportivos a nivel nacional tales como o All-Star Game da NHL en 1996, a 1ª e 2ª ronda da División I da NCAA en 1999 e 2003, ademais da Final Four da NCAA feminina en 2006, e outros de menor seguimento como os campionatos de Skate de 2001, os torneos de selección (trials) de ximnasia en 1996 e 2000, a Frozen Four de Hockey en 2004 e 1998 ou torneos da World Wrestling Entertainment como a WrestleMania XIV de 1998, King of the Ring 2000, Royal Rumble 2003 e SummerSlam 2006. Fora do deportivo, destaca a Convención do Partido Demócrata de 2004.

Cancha de xogo[editar | editar a fonte]

O TD Garden comparte a honra de ser, xunto co Target Center dos Minnesota Timberwolves e o Amway Arena de Orlando Magic, os únicos pavillóns con superficie de parqué en pezas pequenas. O de Boston é o máis característico, xa que os Celtics son coñecidos pola tradición de ter ese parqué tan clásico na cancha. Esa tradición ven dende que rematou a Segunda Guerra Mundial, onde tiveron que recorrer ao parqué debido ao custo e escaseza da tarima de madeira naquela época. Con todo, a Final Four da NCAA feminina de 2006 celebrouse en pista convencional.

Galería[editar | editar a fonte]

Véxase tamén[editar | editar a fonte]

WikiProject Ice Hockey logo.svg
A Galipedia ten un portal sobre:

Ligazóns externas[editar | editar a fonte]