Esteban Fernández Temprano
| Biografía | |
|---|---|
| Nacemento | 13 de decembro de 1877  A Coruña, España |
| Morte | 5 de xuño de 1952 (74 anos) Madrid, España |
| Datos persoais | |
| País de nacionalidade | España |
| Actividade | |
| Ocupación | xornalista , tipógrafo , político |
| Partido político | Partido Socialista Obrero Español |
| Lingua | Lingua castelá |
Esteban Fernández Temprano, nado na Coruña o 13 de decembro de 1877 e finado en Madrid o 5 de xuño de 1952 foi un tipógrafo, xornalista e político galego.
Traxectoria[editar | editar a fonte]
Membro da Agrupación Socialista da Coruña, da que foi elixido presidente en 1904.[1] Colaborou en El Socialista. Presentouse ás eleccións municipais como candidato socialista en decembro de 1909 e novembro de 1911, pero non saíu elixido.[2] Na súa imprenta editábase La Voz del Obrero, do que foi o primeiro director. Participou no Congreso Regional Obrero de Vigo en marzo de 1911, que deu lugar á Federación Sindical Solidaridad Obrera de Galicia.
Trasladouse a Viveiro coa súa familia en 1912, chamado por Benigno López Muñoz para que dirixira os seus talleres tipográficos, e o semanario Heraldo de Vivero, que tamén dirixiu. Tamén colaborou en Landro. En 1926 fundou e dirixiu La Voz del Pueblo. Publicou algunhas colaboracións en La Voz de Galicia.
En 1928 representou ao Ramo da Construción de Vivero no XVI Congreso da UGT e ese ano trasladouse a Madrid para traballar como tipógrafo. Foi detido ao rematar a guerra civil e despois de saír en liberdade traballou como corrector de probas na imprenta Rivadeneyra (1949) ata a súa morte.
Vida persoal[editar | editar a fonte]
Casou con Purificación Oreña Martínez en 1908.
Notas[editar | editar a fonte]
- ↑ El Noroeste, 5-1-1904, p. 1.
- ↑ "Las elecciones municipales en La Coruña" en El Noroeste, 13-11-1911, p. 1.
Véxase tamén[editar | editar a fonte]
Ligazóns externas[editar | editar a fonte]
- Heraldo de Vivero cumple un siglo de vidaArquivado 29 de maio de 2020 en Wayback Machine., número especial do periódico do 17 de febreiro de 2012.
