Estación de Bilbao Abando-Indalecio Prieto

Bilbao Abando-Indalecio Prieto
Estación de Bilbao Abando-Indalecio Prieto
Concello:	Bilbao
Servizos:
Alta Velocidade:
Longa Distancia:	Alvia, Arco, Diúrno, Estrella, Talgo
Media Distancia:
Proximidades:
FEVE:	Bilbao-Concordia
Metro:
Autobuses:
Outros:	EuskoTran
Máis información:	{{{web}}}

A estación ferroviaria intermodal Abando-Indalecio Prieto é o nome que recibe a estación anteriormente coñecida como Bilbao-Abando (Estación do Norte) de Bilbao, situada no barrio de Abando. Dita estación enmárcase dentro do proxecto da Y vasca, co Tren de Alta Velocidade que comunicará ás tres capitais vascas.

Historia e características

A estación encóntrase en pleno centro de Bilbao, na praza Circular, na confluencia da Gran Vía a rúa Hurtado de Amézaga. Consta dun centro comercial e de lecer (Vialia) así como unha entrada directa á estación de Abando do Metro de Bilbao e accesos directos ás distintas liñas de Cercanías Renfe.

O nome elixido , decidido polo Ministerio de Fomento, é a unión do antigo nome da estación (por se-la principal estación do barrio de Abando, antiga anteigrexa de San Vicente de Abando) e o dun bilbaíno ilustre do s. XX (aínda que nacido en Asturias), Indalecio Prieto, dirixente do PSOE e ministro de Facenda e de Obras Públicas durante o primeiro bienio da Segunda República (cargo dende o que promoveu o desenvolvemento de infraestruturas ferroviarias). O nome foi decidido en 2006 polo Ministerio de Fomento (durante unha lexislatura presidida polo mesmo PSOE) e conta co rexeitamento do resto de partidos vascos (PNV, EA, EB, Aralar e PP).

Servizos

• Centro Comercial.
• Aparcadoiro.
• Parada de taxi e autobuses.
• Conexións a Metro Bilbao, FEVE, EuskoTran, Bilbobus e Bizkaibus.
• Restaurantes.

Interior

Proximidades

As tres liñas do núcleo de Renfe Proximidades de Bilbao, denominado Aldirikoak Renfe, teñen como estación terminal esta estación. Os trens estacionan no piso superior, ocupando o tramo entre as vías da 1 á 5.

Esta estación corresponde á zona 0.

Longa Distancia / Grandes Liñas

Liñas

Andens 4 e 5

• Alvia
  • Bilbao-Abando - Madrid-Chamartín

• Arco
  • Bilbao Abando - Vigo

• Diúrno
  • Bilbao-Abando - Salamanca

• Estrella
  • Bilbao-Abando - Málaga-María Zambrano
  • Bilbao-Abando - Barcelona

• Talgo
  • Bilbao-Abando - Barcelona
  • Bilbao-Abando - Madrid-Chamartín

Metro de Bilbao

Abando é unha estación do metro de Bilbao subterránea, situada no céntrico barrio bilbaíno de Abando e inaugurada o 11 de Novembro de 1995. Conecta por unha das súas saídas coa estación de Renfe. É a estación máis concorrida de toda a rede do Metro de Bilbao, cuns datos interanuais de 6.569.655 de viaxeiros.

A súa tarifa corresponde á da zona A.

Accesos

• Rúa Gran Vía Nº1 (Praza Circular) (saída Gran Vía/Praza Circular)
• Rúa Berastegi Nº1 (saída Berastegi)
• Estación RENFE (saída Estación Abando - Renfe)

Ascensor

• Rúa Gran Vía nº1 (Praza Circular)

EuskoTran

A estación de EuskoTran de Abando encóntrase na Rúa Navarra de Bilbao, xunto ás estacións terminais de RENFE e FEVE. A estación pertence á liña A de EuskoTran.

FEVE

Novo acceso á estación de Bilbao-Concordia dende a estación de Abando.

Recentemente remodelada, xunto á estación de Abando-Indalecio Prieto encóntrase a estación de Bilbao-Concordia de FEVE, que é unha estación terminal de trens de cercanías, rexionais e longa distancia de FEVE.

Liñas

• Cercanías
  • Bilbao-Concordia / Balmaseda

• Rexionais
  • Bilbao-Concordia / Carranza
  • Bilbao-Concordia / Santander

• Longa distancia
  • Bilbao-Concordia / León

Bilbobus e Bizkaibus

No exterior da estación sitúanse tres paradas de Bizkaibus, con conexión cara ós concellos da Marxe Esquerda, Busturialdea e Duranguesado; e cinco paradas de Bilbobus, con conexión a todos os distritos da cidade, con estas liñas: ; os Microbuses: A1, A2, A5: e os servizos nocturnos Gautxori: G2 , G3 , G4, G5 , G6 , G7 ,G8.

Conexións

Procedencia/Destino	Anterior/Seguinte	Liña	Anterior/Seguinte	Procedencia/Destino
Plentzia	Moyua	Metro	Casco Viejo	Etxebarri
Portugalete	Moyua	Metro	Casco Viejo	Etxebarri
Santurtzi	Zabalburu	Proximidades	Zabalburu	Abando
Muskiz	Zabalburu	Proximidades	Zabalburu	Abando
Orduña	La Peña	Proximidades	La Peña	Abando
Basurto	Pío Baroja	EuskoTran	Arriaga	Atxuri
Valmaseda	Ametzola	FEVE	Ametzola	Bilbao-Concordia