Esperante, Lugo

Para outras páxinas con títulos homónimos véxase: Esperante.

Esperante
Igrexa de Santalla de Esperante.
Concello	Lugo
Provincia	Lugo
Coordenadas	42°58′06″N 7°35′05″O
Poboación	213 hab. (2020)
Entidades de poboación	6
[ editar datos en Wikidata ]

Santalla de Esperante é unha parroquia do concello de Lugo, distribuída nos seguintes núcleos de poboación: A Airexe, Carballido, Esperante, Papoi de Abaixo, O Torrón e A Travesa.

Dende a capital, Lugo, hai 3 quilómetros ó núcleo máis próximo (O Torrón) e entre 7 e 8 a Carballido.

Poboación

Segundo o censo municipal de 2014, a poboación da parroquia tiña de 211 habitantes (96 homes e 115 mulleres). Tradicionalmente foi unha parroquia, como a maioría, dedicada á agricultura e á gandería. Esta actividade foi evolucionando cara a produción leiteira, da que na actualidade tan só quedan tres explotacións.

Parte da poboación complementa a agricultura de autoconsumo (fundamentalmente de horta) con outro tipo de traballos, por conta propia ou allea.

Xenética Fontao

Nesta parroquia radica o Centro de Escolma e Reprodución de Galicia de Xenética Fontao, que é o principal centro de mellora xenética das razas Holstein e Rubia galega de España.

Festas

A patroa de Esperante é Santa Eulalia, cuxa festividade se celebra o 8 de setembro. A igrexa está no lugar da Airexe.

Véxase tamén

Outros artigos

• Lugares de Lugo

Ligazóns externas

• web da parroquia de Esperante^{[Ligazón morta]}