El orfanato
El orfanato é un filme de cine español do ano 2007. Trátase da ópera prima do director Juan Antonio Bayona e foi producido por Guillermo del Toro e Telecinco e protagonizado por Belén Rueda.
Índice |
Tema[editar]
Cando Laura e a súa familia se trasladan a vivir a un antigo orfanato, o seu fillo adoptivo Simón coñece un amigo invisible.
Argumento[editar]
Laura (Belén Rueda) é unha muller adulta que adquire o inmoble que antes fora o orfanato onde viviu, ata a súa adopción, durante a súa nenez con outros cinco nenos, acompañada do seu marido (Fernando Cayo) e o seu fillo adoptivo, coa intención de abrir unha residencia para nenos discapacitados. O seu fillo adoptivo, Simón (Roger Príncep), comeza a se comportar dun modo moi estraño, ao se atopar este cuns novos amigos imaxinarios. Este feito fará que Laura comece a se decatar de todo o que aconteceu na casa tras a súa marcha...
Curiosidades[editar]
- No día 27 de setembro de 2007, a Academia das Artes e as Ciencias Cinematográficas de España elixiuno, antes de ser estreado nas salas comerciais, como representante español nos Oscar por diante de Las 13 rosas e Luz de domingo.
- A compañía New Line comprou os dereitos do filme para poder facer un remake en Hollywood, producido tamén por Guillermo del Toro.'O orfanato' terá o seu remake en Hollywood
- O filme foi rodado en Barcelona e Llanes (Asturias).
- É o filme español máis taquilleiro do ano 2007, e o segundo máis taquilleiro da historia logo de Los otros. El Orfanato foi visto por máis dun millón de espectadores e recadou case 6 millóns de euros nos seus primeiros catro días nas salas de cinema españolas.[1]
