Edward Zwick

Na Galipedia, a Wikipedia en galego.
Edward Zwick
Edward Zwick by Bridget Laudien.jpg
Edward Zwick no 2008
Nacemento Edward M. Zwick
8 de outubro de 1952 (62 anos)
Chicago, Illinois, Estados Unidos de América Estados Unidos
Profesión Director de cine, produtor de cine e guionista
(1983-presente)
Cónxuxe(s) Lynn Liberty Godshall
(1982-presente)
Ficha na IMDb

Edward Zwick nado o 8 de outubro de 1952 é un director e produtor de cinema estadounidense recoñecido polos seus filmes de temática bélica. Foi descrito como un retorno "a unha época anterior, un director moi cerebral, cuxos filmes sempre contan con personaxes totalmente redondeadas, cuestións morais difíciles e temas que se desenvolven na ambigüidade da autoridade". Traballou nunha gran cantidade de filmes para a televisión e para o cinema, sendo nomeado dúas veces nos Globos de Ouro. Como produtor conseguirá o seu maior éxito co filme Shakespeare in Love, que será galardoada co Oscar ó mellor filme no ano 1999

Traxectoria[editar | editar a fonte]

Zwick naceu en Chicago, Illinois. É fillo de Ruth Ellen (nada Reich) e Allen Zwick. Traballou de aprendiz no Festival da Academia de Lake Forest. Posteriormente graduouse na Universidade de Harvard e recibiu a bolsa Rockefeller Fellowship para estudar en Europa.

Nos anos setenta acudiu American Film Institute e en 1976 roda a curtametraxe Timothy and the Angel que gañou o primeiro premio no certame de estudantes no Festival de Chicago. Isto levouno a escribir e dirixir algúns episodios da serie Family.

En 1980 recibe o seu primeiro nomeamente ó Emmy polo seu traballo de produtor na serie Family. Tres anos máis tarde dirixe, produce e co-escribe o telefilme Special Bulletin, polo cal obtivo dous Premios Emmy e un nomeamento como mellor director.

En 1986 debuta no cinema con About Last Night..., un filme romántico con Demi Moore e Rob Lowe. En 1989 fai un dos seus traballos máis reputados, Glory, pola cal recibe un nomeamento ós Globos de Ouro ó mellor director. Glory é un filme ambientado na Guerra Civil Estadounidense e conta coa colaboración de Denzel Washington, que conseguiu un Oscar como mellor actor de reparto. Edward Zwick tamén contou con Denzel Washington no filme Courage Under Fire (1996) e no thriller de acción The Siege (1998).

En 1994 produce e dirixe a súa outra obra mestra Legends of the Fall (a anterior foi Glory) xunto a actores do talle de Brad Pitt, Anthony Hopkins, Aidan Quinn, Julia Ormond E Henry Thomas. Por este filme conseguiu a seu segundo nomeamento ós Globos de Ouro como mellor director.

Zwick admitiu ser un admirador da cultura xaponesa e por iso dirixiu The Last Samurai no 2003 coa presenza de Tom Cruise, Ken Watanabe e Billy Connolly. O filme está ambientado nunha historia de aventuras no Xapón do século XIX na que destacan os valores da honra, o valor, o deber e a amizade.

No 2007 dirixe e produce Blood Diamond, un filme de drama e aventura con Leonardo DiCaprio, Jennifer Connelly e Djimon Gaston Hounsou, que trata sobre a trama dos diamantes de sangue que serven para sufragar os gastos das guerras africanas. O filme foi nomeado a cinco premios da Academia.

Filmografía[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]