Dustin Hoffman

Na Galipedia, a Wikipedia en galego.
Dustin Hoffman.

Dustin Le Hoffman, nado o 8 de agosto de 1937, é un actor estadounidense.

Traxectoria[editar | editar a fonte]

Nun principio quixo ser médico, polo que estudou esta carreira universitaria. Con todo, durante os estudos decatouse de que quería ser actor, e comezou a actuar na Pasadena Playhouse en [Los Ángeles], un teatro e unha escola de interpretación prestixiosa. Alí coincidiu con Gene Hackman, outro alumno que se convertería nun grande actor. Cando adquirira xa unha formación básica como intérprete, decidiu ir a Nova York para probar sorte no teatro.

En Nova York Hoffman tivo que realizar varios traballos pouco convencionais para gañarse a vida. Nunha ocasión conseguiu un papel pequeno nunha película para a televisión, e durante un verán foi de xira cunha compañía teatral de segunda orde. Hoffman desanimouse e dedicouse a dar clases durante un tempo. Por fin, en 1960 ofrecéronlle un papel nunha obra teatral, e ó ano seguinte actuou noutra. A pesar diso non tiña ingresos suficientes, polo que realizou de novo toda clase de traballos. Durante varios anos deixou o teatro e apuntouse á famosa escola de interpretación Actor's Studio, onde se formou como actor de método.

Hoffman nunha imaxe de 1989

En 1967 cambiou a sorte para Hoffman. Conseguiu o seu primeiro papel no cine, aínda que foi pequeno. Interviu tamén nunha comedia teatral, onde lle viu Mike Nichols e decidiu ofrecerlle o papel principal en The Graduate (O Graduado). Aínda que xa tiña 30 anos, Hoffman foi moi convincente no papel dun mozo que acababa de rematar os seus estudos universitarios. Conseguiu un nomeamento ó Oscar e, o que foi máis importante, converteuse da noite para a mañá nun actor extremadamente popular, sobre todo ante as audiencias xuvenís. Só dous anos despois, Hoffman repetiu o éxito, cando interveu xunto con Jon Voight en Midnight Cowboy (Cowboy de medianoite), película pola que obtivo a súa segunda nomeamento ó Oscar.

As seguintes películas que fixo Hoffman foron na súa maioría éxitos destacados. As súas interpretacións eran igual de boas en papeis cómicos que en papeis dramáticos. Coas películas Kramer contra Kramer e Rain Man gañou dous Oscar.

En 1974 volveu ó teatro, e cultivou tamén éxitos. Tamén interveu en películas e mini-series para a televisión, aínda que a súa prioridade foi sempre o cine.

Hoffman casou por primeira vez en 1969 e o matrimonio durou once anos. Volveu casar en 1980. Ten catro fillos do seu actual matrimonio, e unha filla da súa primeira esposa.

Filmografía[editar | editar a fonte]

Premios[editar | editar a fonte]

Oscars[editar | editar a fonte]

Ano Categoría Película Resultado
1997 Oscar ó mellor actor Wag the Dog Candidato
1988 Oscar ó mellor actor Rain Man Gañador
1982 Oscar ó mellor actor Tootsie Candidato
1979 Oscar ó mellor actor Kramer contra Kramer Gañador
1974 Oscar ó mellor actor Lenny Candidato
1969 Oscar ó mellor actor Midnight Cowboy Candidato
1967 Oscar ó mellor actor The Graduate Candidato

Globos de Ouro[editar | editar a fonte]

Ano Categoría Película Resultado
1998 Globo de Ouro ó mellor actor - Comedia ou musical Wag the Dog Candidato
1997 Premio Cecil B. DeMille Gañador
1992 Globo de Ouro ó mellor actor - Comedia ou musical Hook Candidato
1989 Globo de Ouro ó mellor actor - Drama Rain Man Gañador
1986 Globo de Ouro ó mellor actor en miniserie ou película feita para a televisión Death of a Salesman Gañador
1983 Globo de Ouro ó mellor actor - Comedia ou musical Tootsie Gañador
1980 Globo de Ouro ó mellor actor - Drama Kramer contra Kramer Gañador
1977 Globo de Ouro ó mellor actor - Drama Marathon Man Candidato
1975 Globo de Ouro ó mellor actor - Drama Lenny Candidato
1970 Globo de Ouro ó mellor actor - Comedia ou musical John and Mary Candidato
1970 Globo de Ouro ó mellor actor - Drama Midnight Cowboy Candidato
1968 Globo de Ouro ó mellor actor - Comedia ou musical The Graduate Candidato
1968 Globo de Ouro á nova estrela do ano - Actor The Graduate Gañador

Véxase tamén[editar | editar a fonte]

Commons
Commons ten máis contidos multimedia sobre: Dustin Hoffman

Ligazóns externas[editar | editar a fonte]