Duarte de Almeida
  | |
| Biografía | |
|---|---|
| Nacemento | Vila Pouca de Aguiar (pt)  |
| Datos persoais | |
| Outros nomes | o Decepado |
| País de nacionalidade | Reino de Portugal |
Duarte de Almeida, o Decepado nado c. 1400 en Vila Pouca de Aguiar e finado ibídem en algunha data posterior á batalla de Toro na década de 1470, era un militar portugués. Destacou na batalla de Toro, onde serviu como alferes de D. Afonso V. No combate, defendeu o estandarte portugués até perder ambas as mans, sosténdoo cos brazos e dentes antes de ser capturado por tropas castelás-aragonesas isabelinas. Como recoñecemento ao seu valor, a súa armadura colga na catedral de Toledo.[1]
Traxectoria[editar | editar a fonte]
Era fillo de João Fernandes de Almeida, Señor da Torre e Castelo de Vilharigues.
Fíxose famoso polo seu heroísmo en Toro, Zamora na batalla celebrada o 1 de marzo de 1476. O conflito deuse polo apoio de D. Afonso V ao dereito lexítimo da súa sobriña (e prevista esposa en segundas nupcias) ao trono da Coroa de Castela, reclamando a unión dos reinos de Portugal, Galiza, León e Castela. A pesar de perder a bandeira portuguesa no combate, foi recuperada por Gonçalo Pires Bandeira e a batalla foi "gañada" polas tropas xoaninas segundo as normas de cabalería da época, pero foi insuficiente para pór a Xoana no trono e a unión das coroas.
Após a batalla, Duarte foi trasladado ferido a un hospital en Castela. Volveu a Portugal meses despois, vivindo en Santarém.
Aínda que algúns din que morreu na miseria, outros, como Camilo Castelo Branco, sinalan que non foi así, xa que dispuxo de varias herdanzas.[2] Un ano antes da batalla, estando en Zamora, D. Afonso V recoñeceu os seus servizos outorgándolle o Reguengo de Lafões.
Notas
- ↑ "Duarte de Almeida". infopedia (en portugués).
- ↑ "Noites de Insónia". camilocastelobranco.org ; Casa de Camilo (en portugués). Consultado o 10 de setembro de 2023.
Véxase tamén[editar | editar a fonte]
Bibliografía[editar | editar a fonte]
- FREIRE, Anselmo Braamcamp, BRASÕES DA SALA DE SINTRA, vol II, pp 323 e seguintes
Ligazóns externas[editar | editar a fonte]
- Almeida (Duarte de), Portugal - Diccionario Histórico, Corográfico, Heráldico, Biográfico, Bibliográfico, Numismático y Artístico, Tomo I, p. 245, Edición en papel, João Romano Torres - Editor, 1904-1915, Edición electrónica, Manuel Amaral, 2000-2012
- Decepado,, Portugal - Diccionario Histórico, Corográfico, Heráldico, Biográfico, Bibliográfico, Numismático y Artístico, Tomo III, páxs. 23-24, Edición en papel, João Romano Torres - Editor, 1904-1915, Edición electrónica, Manuel Amaral, 2000-2012
- Imaxe
