Dietrich Briesemeister
| Biografía | |
|---|---|
| Nacemento | 12 de maio de 1934  (89 anos)Altena |
| Datos persoais | |
| País de nacionalidade | Alemaña |
| Actividade | |
| Ocupación | romanista , profesor universitario |
| Empregador | Universidade Libre de Berlín Universidade de Jena Universidade de Maguncia |
| Membro de | |
| Lingua | Lingua alemá |
 | |
Dietrich Briesemeister, nado o 12 de maio de 1934 en Altena, é un filólogo alemán especializado en filoloxía románica.[1] A súa investigación céntrase na literatura neolatina en América Latina, España, Portugal, México, Perú e Colombia, así como as relacións culturais alemás e españolas entre os século XV e XX.
Traxectoria[editar | editar a fonte]
Briesemeister estudou entre 1952 e 1959 filosofía e filoloxía románica, así como latín medieval en Tubinga, Rennes e Múnic.[1] De 1959 até 1971 traballou na Biblioteca Estatal de Baviera, e máis recentemente como director da mesma.
Entre 1971 e 1987 foi profesor de filoloxía románica na Universidade de Maguncia Johannes Gutenberg.[1] Nesta universidade tamén foi o director do instituto de lingua e cultura española e portuguesa no departamento de lingüística aplicada en Germersheim.
De 1987 até 1999 foi o director do Instituto Ibero‐Americano na Fundación Patrimonio Cultural Prusiano e catedrático de filoloxía iberorrománica na Universidade Libre de Berlín.[1]
De 1999 a 2004 ensinou filoloxía iberorrománica na Universidade Friedrich Schiller de Jena.[1] Tamén foi presidente da Asociación Alemá de Hispanistas entre 1995 e 1999, da que actualmente é membro horonario. En setembro de 2016 foi nomeado académico correspondente da Real Academia Española.[2]
Notas[editar | editar a fonte]
- ↑ 1,0 1,1 1,2 1,3 1,4 RAE (ed.). "Dietrich Briesemeister CV" (PDF). Consultado o 20 de xaneiro de 2018.
- ↑ RAE (ed.). "Académicos correspondientes extranjeros". Arquivado dende o orixinal o 31 de marzo de 2018. Consultado o 20 de xaneiro de 2018.
Véxase tamén[editar | editar a fonte]
Ligazóns externas [editar | editar a fonte]
- Libros de e sobre Dietrich Briesemeister no catálogo da Biblioteca Nacional de Alemaña. (en alemán)
- Libros de Dietrich Briesemeister no catálogo da Biblioteca Estatal de Baviera. (en alemán)
