David Pallas
| David Pallas | |||
|---|---|---|---|
| Información persoal | |||
| Nome | David Pallas | ||
| Nacemento | 7 de xullo de 1980 | ||
| Lugar de nacemento | Zürich | ||
| Altura | 1,69 m. | ||
| Posición | Lateral dereito | ||
| Información de club | |||
| Club actual | FC Kosova (adestrador) | ||
| Carreira xuvenil | |||
| 1993–1997 | FC Zürich | ||
| Carreira sénior | |||
| Anos | Equipos | Aprs | (Gls) |
| 1998–2005 | FC Zürich | 113 | (1) |
| 2004–2005 | → FC Thun | 16 | (1) |
| 2005–2007 | VfL Bochum | 32 | (0) |
| 2007 | → VfL Bochum II 1 | 1 | (0) |
| 2009–2012 | FC Langenthal | 42 | (1) |
| 2014–2015 | FC Ibach | 7 | (0) |
| Adestrador | |||
| 2014–2019 | FC Ibach | ||
| 2021– | FC Kosova | ||
|
Partidos e goles só en liga doméstica. [ editar datos en Wikidata ] | |||
David Pallas, nado na Laracha o 1 de xullo de 1980, é un exfutbolista e adestrador galego-suízo. Xogaba como lateral dereito e desenvolveu a maior parte da súa carreira no FC Zürich.[1] Dende 2021 adestra o FC Kosova.
Traxectoria[editar | editar a fonte]
Naceu no concello galego da Laracha e criouse en Suíza. Formouse na canteira do FC Zürich, dando o salto ao primeiro equipo en 2001. Durante o mercado invernal da tempada 2004-05, fichou polo FC Thun 1898, co que se clasificou para a Liga de Campións.
Na tempada 2005/06 fichou polo VfL Bochum, da 2. Bundesliga.[2] Disputou 24 encontros de liga, logrando o ascenso á Bundesliga ao remate da tempada. Debutou na máxima categoría do fútbol alemán o 26 de agosto de 2006, nun partido contra o Energie Cottbus no Ruhrstadion.[3] Xogou oito partidos de liga na primeira metade da tempada pero logo acabou por perder o seu sitio no equipo. Ao rematar o seu contrato co club, estivo un tempo sen equipo, ata que fichou polo FC Langenthal, do cantón de Berna. Militou varias tempadas neste club, antes de pechar a súa carreira como futbolista no FC Ibach.
Comezou a súa carreira como adestrador no Ibach na tempada 2014/15, primeiro como xogador-adestrador e logo só como adestrador, ocupando o banco do club ata outubro de 2018.[4] Tras adestrar os xuvenís do FC Wohlen, en abril de 2021 colleu as rendas do FC Kosova de Zürich.[5]
Notas[editar | editar a fonte]
- ↑ "David Pallas". kicker.de (en alemán). Consultado o 8 de xaneiro de 2022.
- ↑ Rodríguez, Maite (4 de outubro de 2005). "David Pallas recala en Alemania tras meter al Thun en la «Champions»". La Voz de Galicia (en castelán). Consultado o 8 de xaneiro de 2022.
- ↑ "VfL Bochum - FC Energie Cottbus". Transfermarkt (en inglés). Consultado o 8 de xaneiro de 2022.
- ↑ "David Pallas nicht mehr Trainer beim FC Ibach" (en alemán). 9 de outubro de 2018. Consultado o 8 de xaneiro de 2022.
- ↑ "David Pallas schliesst sich dem FC Kosova an" (en alemán). 26 de abril de 2021. Consultado o 8 de xaneiro de 2022.
Véxase tamén[editar | editar a fonte]
Ligazóns externas[editar | editar a fonte]
- Datos do xogador en Transfermarkt (en inglés).
| Control de autoridades |
|
|---|
