Copa Mundial de Clubs da FIFA 2006

A Copa Mundial de Clubs da FIFA de 2006 (en inglés FIFA Club World Cup 2006 presented by Toyota) é un torneo de fútbol organizado pola FIFA en colaboración con Toyota que se disputou no Xapón do 10 ó 17 de decembro de 2006. Trátase dun Mundial de Clubs para o que se cualifican os campións das 6 rexións continentais do mundo.

Equipos participantes[editar | editar a fonte]

Ó longo do ano 2006 os seguintes equipos cualificáronse a través das súas respectivas competicións continentais:

Jeonbuk Hyundai Motors	Vencedores da Liga de Campións da AFC de 2006
FC Barcelona	Vencedores da Liga de Campións da UEFA 2005-06
Club América	Vencedores da Copa de Campións da CONCACAF de 2006
Al-Ahly	Vencedores da Liga de Campións da CAF de 2006
SC Internacional	Vencedores da Copa Libertadores 2006
Auckland City FC	Vencedores do Campionato de Clubs de Oceanía de 2006

Cadros de xogadores[editar | editar a fonte]

Artigo principal: Cadros de xogadores da Copa Mundial de Clubs da FIFA de 2006

En total e entre as seis escuadras participantes, participan 138 xogadores e 6 adestradores principais de 23 países diferentes.

Estadios utilizados[editar | editar a fonte]

Cidade	Estadio	Capacidade
Toquio	Tokyo National Stadium	49.970
Toyota City	Toyota Stadium	45.000
Yokohama	International Stadium of Yokohama	73.237

Estrutura do torneo[editar | editar a fonte]

Os representantes dos seis continentes xogan un torneo eliminatorio. Os encontros dos cuartos de final saen dun sorteo entre os equipos da CAF, da AFC, da CONCACAF e da OFC, mentres que os equipos da UEFA e da CONMEBOL pasan directamente para semifinais. Os equipos derrotados en cuartos de final xogan polo quinto posto, e os que caen en semifinais, polo terceiro.

Inicialmente considerouse invitar a unha escuadra local, idea que se rexeitou. Ademais, trala saída de Australia da OFC, o representante de Oceanía, o Auckland City FC, será totalmente afeccionado, así que se considerou que xogara un play-off de cualificación contra o campión da J-League, a liga xaponesa de fútbol, nese momento o Gamba Osaka, o que tamén se rematou por rexeitar.