Askari

Na Galipedia, a Wikipedia en galego.

Nas linguas árabe, persa e suahili, a palabra askari significa soldado. Nas linguas occidentais esta palabra é utilizada para definir ás tropas mercenarias indíxenas de África e Oriente que serviron ós exércitos coloniais europeos durante os séculos XIX e XX.

Orixe[editar | editar a fonte]

Funcións orixinais[editar | editar a fonte]

O cometido orixinal dos askari era o de servir de apoio ás tropas coloniais procedentes da metrópole e sofocar as revoltas locais contra estas. Os askari tamén desempeñaron labores policiais e de seguridade persoal.

Invasión de Abisinia[editar | editar a fonte]

A finais do século XIX, Italia invade Abisinia. Para iso leva a un bo número de askari para engrosar o seu exército. A invasión é frustrada en 1896 cando o exército abisinio vence ós italianos. Os askari que foron feitos prisioneiros foron mutilados en castigo por seren considerados traidores.

Askari surafricano de 1943.

Primeira Guerra Mundial[editar | editar a fonte]

Axiña, os askari tamén se usaron como forza de combate contra os exércitos coloniais doutras nacións. O mellor exemplo disto deuse na Primeira Guerra Mundial, cando o comandante Alemaña Paul von Lettow-Vorbeck se valeu de entre once mil e doce mil askari para manter en xaque ás forzas británicas, moi superiores en número. Os británicos non puideron gañar unha soa batalla contra eles en África oriental en toda a contenda.

Novos significados[editar | editar a fonte]

Segunda Guerra Mundial[editar | editar a fonte]

O termo acadou novos significados nas décadas posteriores. Durante a Segunda Guerra Mundial os oficiais das SS o empregaron para denominar ós desertores do Exército Vermello soviético que se unían máis tarde ás filas alemás.

Sudáfrica[editar | editar a fonte]

En Sudáfrica chamóuselle askari ós guerrilleiros que combatían orixinalmente contra o réximen do Apartheid e tras seren capturados, colaboraban co exército surafricano coma espías ou mercenarios.

Hoxe[editar | editar a fonte]

Na actualidade, a palabra tamén é empregada nalgúns países africanos para denominar ós soldados armados con lanza ou, simplemente, a aqueles encargados de montar guarda.