Antonio Pérez Gómez
Biografía | |
---|---|
Nacemento | 1893 (130/131 anos) A Pobra do Caramiñal, España |
Morte | México |
Alcalde | |
Datos persoais | |
País de nacionalidade | España |
Actividade | |
Ocupación | político |
Lingua | Lingua castelá |
Familia | |
Irmáns | José Juan Pérez Gómez |
Antonio Pérez Gómez, nado na Pobra do Caramiñal en 1893 e finado en México, foi un político galego.
Traxectoria[editar | editar a fonte]
Fillo de Santiago Pérez e irmán de José Juan Pérez Gómez. Mecánico especializado en construción e montaxe de maquinaria para fábricas de conservas. En 1929 patentou unha máquina de precintar e a construción da maquinaria. Tivo taller propio na Pobra do Caramiñal durante trinta e cinco anos e traballou en talleres Sanjurjo e do Ferrocarril en Vigo durante cinco anos. Militante do PSOE. Pola súa participación na folga xeral revolucionaria de 1934 estivo detido quince días en Santiago de Compostela. Co triunfo na Fronte Popular foi nomeado alcalde da Pobra do Caramiñal.
Logo do golpe de Estado do 18 de xullo de 1936 fuxiu na motora San José nº 2 xunto con outros 18 republicanos da ría de Arousa, o 27 de xullo cara a Matosinhos. De alí foron levados ao forte de Cascais en Caxía, onde os tiveron nunha especie de campo de concentración, ao lado do monte. De alí marchou cara Bordeos nun transatlántico francés que viña de América e facía escala en Lisboa, xunto con Manuel Porteiro, pasando logo a Madrid vía Cataluña. Formou parte do Batallón de Milicias Populares Gallegas e foi técnico de mecanización de proxectís na Subsecretaría de Armamento de Barcelona. Foi procesado na causa xudicial 1255/1937 aberta en Compostela por rebelión pola requisa nas minas de "Estañifera de Arosa". Tamén procesado e declarado en rebeldía na causa 4267/1938 aberta en Ferrol e declarado fuxido e en rebeldía. Despois da guerra pasou a Francia, onde estivo no campo de refuxio de Barcarès. Despois conseguiu saír para México e ao pouco tempo conseguiu levar a este país á súa muller e aos seus fillos.
Predecesor: ? |
Alcalde da Pobra do Caramiñal 1936 |
Sucesor: José Barrera López |
Véxase tamén[editar | editar a fonte]
Bibliografía[editar | editar a fonte]
- Villaverde García, Elixio (1996). Autor-editor, ed. Heroes e Mártires. A IIª República e a Guerra Civil no Barbanza. ISBN 84-88967-61-6.