Andreas Libavius
Andreas Libavius, nado en Halle en 1550 e finado en Coburgo o 25 de xullo de 1616, foi un médico e químico alemán.
Índice |
[editar] Traxectoria
O seu nome era Andreas Libau, pero coñécese co seu apelido latinizado. Traballou como profesor en Ilmenau e Coburgo, e foi profesor en Jena en 1588. En 1597, escribiu o primeiro libro sistemático de química, Alchemia,[1] que incluía instrucións para a preparación de diversos ácidos fortes. Algunhas das súas obras publicounas baixo o pseudónimo de Basilius de Varna.
Realizou importantes achegas á química. Descubriu a propiedade do óxido de ouro de dar cor vermella ao vidro e tamén o cloruro de estaño, que despois se coñeceu co nome de licor de Libavius.
Escribiu Neo-Paracelsica, Tractatus duo physici, Alchemia (1597),[2] Schediasmata medica et phylosophica, Commentationum metallicarum libri IV (1597),[3] Epitome metallica e Praxis alchimio, entre outras obras.
[editar] Galería de imaxes
-
Portada de Alchemia.
-
Commentationvm metallicarvm...
[editar] Notas
- ↑ Comentario sobre Alchemia, Universidade de Illinois (en inglés).
- ↑ Alchemia reprodución completa da obra, Universidade Complutense.
- ↑ Commentationvm Metallicarvm Libri Qvatvor, reprodución íntegra, Herzog August Bibliothek.
[editar] Véxase tamén
[editar] Bibliografía
- Hannaway, Owen (1986): "Laboratory Design and the Aim of Science: Andreas Libavius versus Tycho Brahe" in Isis, 77, páxs. 584-610.
