Amiina

Na Galipedia, a Wikipedia en galego.
Amiina
Amiina.jpg
Orixe Reiquiavik, Islandia Islandia
Período 2004 - actualidade
Xénero(s) ambient, post-rock, rock instrumental
Selo(s) discográfico(s) Bláskjár, Ever, Kitchen Motors, Rumraket, Speak'n'spell, The Worker's Institute
Membros Hildur Ársælsdóttir
Edda Rún Ólafsdóttir
Maria Huld Markan Sigfúsdóttir
Sólrún Sumarliðadóttir
Magnús Trygvason Eliassen
Kippi Kaninus
Antigos membros Ólöf Júlía Kjartansdóttir
Na rede
http://amiina.com/

Amiina (antigamente Amína e Aníma) é unha banda islandesa formada no ano 2004 en Reiquiavik. Adoitan a tocar en directo e no estudio cos seus compatriotas Sigur Rós. Os seus temas teñen un bo número de instrumentos e a súa música ten elementos do minimalismo, de música clásica contemporánea, ambient e loops electrónicos.

Nas súas actuacións, cada un dos membros toca distintos instrumentos, movéndose dun instrumento a outro no medio das cancións.

Despois de adoptar o nome de Amiina, a banda inicialmente era un cuarteto de corda: María Huld Markan Sigfúsdóttir e Hildur Ársælsdóttir tocando os violíns, Edda Rún Ólafsdóttir a viola, e Sólrún Sumarliðadóttir o violonchelo. Con esta formación Amiina colaborou no estudio con Sigur Rós, destacando o seu traballo nos álbums ( ) e Takk...

O seu primeiro disco dispoñible comercialmente foi o EP de catro temas Animamina. A este seguíulle o seu primeiro sinxelo, "Seoul". O seu álbum de estrea, Kurr, foi editado o 21 de marzo do ano 2007, a través do propio selo da banda, Bláskjár. Foi re-editado por Ever Records en xuño dese mesmo ano.

Cando Sigur Rós parou de xirar en xullo do 2006, Amiina continuou tocando realizando a súa primeira xira en solitario por Europa e América nos meses de outubro e novembro. Despois do lanzamento de Kurr tocaron por Norteamérica en marzo e abril do 2007 e por Europa en maio.

A canción "Hilli" foi editada como segundo sinxelo de Kurr o 10 de decembro do 2007. Trátase dunha colaboración entre Amiina e o músico country Lee Hazelwood, onde a súa voz (a derradeira gravación antes da súa morte) está mesturada cunha versión reconstruída do tema orixinal.

Amiina apareceu na película islandesa Brúðguminn, estreada no ano 2008.

Antes da edición do seu EP Re Minore no 2009, Amiina xirou cun batería chamado Magnús Trygvason Eliassen que, xunto con Kippi Kaninus, uníuse á banda para a gravación do EP. Ambos estiveron nas gravacións do seugundo álbum da banda, Puzzle, realizadas no verán do 2010. Este álbum lanzouse o 27 de setembro dese mesmo ano.

Discografía[editar | editar a fonte]

Álbums de estudio[editar | editar a fonte]

EPs[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]