Sigur Rós

Na Galipedia, a Wikipedia en galego.
Sigur Rós.png
Reykjavik05a-01.jpg
Concerto en Reiquiavik, 2005
Orixe Reiquiavik, Islandia Flag of Iceland.svg
Período 1994-
Xénero(s) Post-rock, rock progresivo, música experimental, dream pop, ambient
Selo(s) discográfico(s) Fatcat Records, Geffen Records, EMI, Smekkleysa Records
Membros Jón Þór Birgisson
Georg Hólm
Kjartan Sveinsson
Orri Páll Dýrason
Antigos membros Ágúst Ævar Gunnarsson
Na rede
sigur-ros.co.uk

Sigur Rós é un grupo islandés de post-rock, con elementos de shoegazing e minimalismo. O nome é islandés, pronúnciase ['sɪɣʏr rous'] no Alfabeto Fonético Internacional e significa "rosa de vitoria".

Membros[editar | editar a fonte]

Sigur Rós estaba composto orixinalmente por Jón Þór Birgisson (Jónsi, guitarra e voz), Georg Hólm (Goggi, baixo) e Ágúst Ævar Gunnarsson (batería). En 1999 ingresou na banda Kjartan Sveinsson (Kjarri, teclado) para a publicación de Ágætis byrjun. Tamén en 1999, trala gravación deste disco, Orri Páll Dýrason substitúe a Ágúst Ævar Gunnarsson na batería.

Historia[editar | editar a fonte]

Sigur Rós en concerto en Hong Kong.
Sigur Rós no Roskilde Festival do 2006.
Sigur Rós en Barcelona, 22 de novembro de 2005.
Concerto de Sigur Rós en Strathmore Music Center, Washington.

Jón Þór Birgisson (Jónsi), Georg Hólm e Ágúst Ævar Gunnarsson formaron o grupo en Reiquiavik, Islandia, en agosto de 1994. O nome do grupo foi tomado da irmá menor de Jónsi, chamada Sigurrós, que naceu o mesmo día. O grupo axiña asinou un contrato coa discográfica local Bad Taste. En 1997 lanzaron Von (Esperanza) e en 1998 a colección de remezclas Von brigði (Vonbrigði significa en islandés "decepción", pero Von brigði significa "alteración da esperanza"). En inglés, o álbum Von brigði é coñecido usualmente polo seu nombre alternativo, "Recycle Bin" (papeleira de reciclaxe.)

O recoñecemento internacional chegou en 1999 co lanzamento de Ágætis byrjun (Un bo comezo), para o que o grupo integrou a Kjartan Sveinsson.

En 2002 lanzouse o anticipado álbum ( ). Tódalas cancións foron publicadas sen título, sendo posteriormente publicados os seus nomes na páxina web oficial. Tódalas cancións son cantadas completamente nunha linguaxe fonética improvisada chamada "vonlenska" (de von, 'esperanza' e íslenska, 'islandés'), creada por Jón Þór Birgisson, que integra sons do islandés. A razón é que quen escoita o disco debe interpretar o seu propio significado das letras, que pode escribir nas páxinas en branco que trae o libreto do álbum.

En outubro de 2003 Sigur Rós, xunto con Radiohead, compuxeron música para a peza de danza de Merce Cunningham Split Sides. As tres cancións de Sigur Rós foron chamadas Ba Ba/Ti Ki/Di Do e foron lanzadas en marzo de 2004. En outubro de 2004 distribuíuse nos Estados Unidos e o Reino Unido o seu primeiro álbum, Von.
O álbum Takk... (Grazas...), foi lanzado o 3 de setembro de 2005 coa descarga legal do seu primeiro sinxelo, Glósóli, publicado o 15 de agosto. Para os seguidores norteamericanos o sinxelo Sæglópur foi posto a disposición para a súa descarga o 16 de agosto. Hoppípolla, o segundo sinxelo oficial de Takk..., foi lanzado o 28 de novembro xunto cunha nova mestura de estudio de Hafssól, unha canción que foi previamente lanzada pola banda no primeiro álbum de 1997, Von. A finais de 2005 lanzaron o EP Sæglópur, que inclúe dous cd's, o primeiro con tres temas novos e o segundo con tres videos. O grupo tamén escribiu o libreto do video musical Sæglópur, que foi dirixido por eles.

No ano 2007 publicaron o álbum de estudio Hvarf-Heim, así como un documental DVD, Heima da súa xira en Islandia no verán de 2006.

Sigur Rós venderon cerca de dous millóns de álbums arredor do mundo.

Discografía[editar | editar a fonte]

Álbums de estudio[editar | editar a fonte]

EPs[editar | editar a fonte]

Recomplatorios[editar | editar a fonte]

Álbums de remesturas[editar | editar a fonte]

Sinxelos[editar | editar a fonte]

Outros[editar | editar a fonte]

  • Smekkleysa í hálfa öld, 1994.
  • Popp í Reykjavík (álbum), 1998.
  • Popp í Reykjavík (película), 1998.
  • Englar alheimsins (álbum), 2000.
  • Englar alheimsins (película), 2002.
  • Hlemmur (banda sonora) 2002.

Colaboracións[editar | editar a fonte]

Novo Material[editar | editar a fonte]

  • Hlemmur DVD+CD, xullo de 2007. Inclúe o documental do mesmo nome xunto coa banda sonora composta integramente pola banda.

Trivia[editar | editar a fonte]

  • A parte tocada con instrumentos de corda no tema Starálfur resulta ser un palíndromo; soa igual esoitada ó revés que do dereito.
  • A introdución do disco Ágætis byrjun é un fragmento da canción que dá título ó álbum pero totalmente ó revés.
  • Avalon é un fragmento de Starálfur, pero ralentizado ata un cuarto da velocidade orixinal.
  • Jónsi usa un arco de violoncelo para tocar a guitarra. Regaláranllo a Ágúst (o primeiro batería do grupo) polo seu aniversario e Georg empezou a utilizalo co seu baixo. Soaba fatal, e Jónsi probou coa guitarra. Desde entón usa o arco en cada concerto.
  • A primeira canción que Jónsi aprendeu a tocar coa guitarra foi Wrathchild de Iron Maiden. Este grupo segue sendo un dos favoritos do cantante.
  • Jónsi é cego de nacemento dun ollo.
  • Georg é coñecido como Colmillo Branco por ter a curiosa habilidade de cazar troitas cos dentes.
  • Orri ten o alcume de 'o animal' debido ó nome do seu pai: chámase Dýri, que significa 'animal' en islandés.
  • Na xira Reise Reise do grupo alemán Rammstein utilizouse a cancion Sigur Rós no inicio da maioria dos concertos. Isto pode escoitarse no DVD Völkerball de Rammstein.

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]