Alto Exipto

Na Galipedia, a wikipedia en galego.

Denomínase á zona sur do país, que se extendía dende Menfis, preto de O Cairo, ata a primeira catarata, en Asuán. O Delta do Nilo, sen embargo, recibe a denominación de Baixo Exipto.

Durante o periodo predinástico de Exipto xurdiron dous reinos independientes no Alto e Baixo Exipto. Foron reunidos polo faraón Menes do Alto Exipto, comezando con este acontecemento a historia dinástica de Exipto.

O Alto Exipto tiña un entorno excepcional: comprendía unha chaira moi fértil grazas ós aluvións do Nilo e producía excedentes alimenticios. A pouca distancia, no deserto colindante, había oasis dende os que se organizaban expedicións ós xacementos mineiros do deserto e ás montañas do Sinaí, para obter metais e pedras preciosas.

Esta riqueza convertiu ó país nun cruce de rutas comerciais, tanto por terra dende Nubia ó sur e o Mar Roxo ó leste, chamada ruta Uadi Hammamata. Evidentemente, tamén existía a ruta fluvial do Nilo ata o Delta. Esta riqueza do país reflexábase na dos seus gobernantes, que empregaron parte destas riquezas nas súas tumbas.