"Almost Unreal" é unha canción interpretada polo dúo suecoRoxette. A canción foi incluída na banda sonora do filme de Super Mario Brothers e foi lanzado como sinxelo en 1993. Foi escrita por Per Gessle.
"Almost Unreal" foi un éxito en moitos países europeos, alcanzando a sétima posición na lista de sinxelos do Reino Unido, facendo tamén un Top 10 en Suecia e Noruega, e un Top 20 en Australia, Suíza, Alemaña e máis Austria. Porén, unicamente acadou a posición 94 nos Estados Unidos converténdose no penúltimo sinxelo en conseguir entrar no Top 100 nese país.