Alfonso Senra Bernárdez
  | |
| Biografía | |
|---|---|
| Nacemento | 1877 Tui, España |
| Morte | 10 de decembro de 1951 (73/74 anos) Madrid, España |
 Membro da Asemblea Nacional Consultiva | |
| 25 de xuño de 1928 – 15 de febreiro de 1930 | |
| Datos persoais | |
| País de nacionalidade | España |
| Actividade | |
| Ocupación | político , xornalista |
| Lingua | Lingua castelá |
| Familia | |
| Pai | Ricardo Senra Fernández |
Alfonso Senra Bernárdez, nado en Tui en 1877 e finado en Madrid o 10 de decembro de 1951, foi un avogado, xornalista e político galego.
Traxectoria[editar | editar a fonte]
Fillo de Ricardo Senra Fernández. Estudou Dereito e trasladouse a Madrid. Colaborou nos xornais El Imparcial, Diario Universal, La Época e La Nación. Foi deputado na Deputación Provincial de Madrid representando o distrito de Hospital-Congreso, proclamado en sesión celebrada o 3 de maio de 1915[1]. Subsecretario do Ministerio de Fomento de España, foi tamén Director Xeral de Minas, Metalurxia e Industrias Navais, cesando o 21 de setembro de 1923[2].
Nas eleccións de 1916 foi proclamado deputado polo distrito de Ordes. Nas eleccións de 1918 volveu ser elixido polo mesmo distrito e foi reelixido nas sucesivas eleccións ata 1923.
Avogado da Unión Patriótica, durante a Ditadura de Primo de Rivera foi membro da Asemblea Nacional Consultiva en dúas lexislaturas: 1927-1928 e 1928-1929. Foi vicepresidente primeiro do Ateneo de Madrid de 1926 a 1930[3], nomeado por Real Orde de 25 de xuño de 1926 na xunta presidida por José Soto Reguera.
No franquismo foi membro do Tribunal de Responsabilidades Políticas e asesor da Delegación Nacional de Xustiza e Dereito[4].
Obras[editar | editar a fonte]
- Laicismo y neutralidad en los hospitales, 1913.
- Del 10 de Agosto a la Sala Sexta del Supremo, 1933.
Recoñecementos[editar | editar a fonte]
- É fillo predilecto de Ordes dende o 15 de agosto de 1923.
- A rúa Real de Ordes pasou a chamarse Avenida Alfonso Senra[5].
Notas[editar | editar a fonte]
- ↑ Boletín Oficial da provincia de Madrid nº 9.[Ligazón morta]
- ↑ Edición do sábado, 22 setembro 1923, p. 16 - Hemeroteca - Lavanguardia.es
- ↑ Presidentes / El Ateneo / Inicio - Ateneo de Madrid
- ↑ Necrolóxica. ABC (Madrid) - 11/12/1951, p. 25 - ABC.es Hemeroteca
- ↑ "ALFONSO SENRA, Deputado a Cortes polo distrito de Santa María de Ordes". Arquivado dende o orixinal o 09 de marzo de 2016. Consultado o 07 de setembro de 2012.
