Na Galipedia, a Wikipedia en galego.
O albaricoqueiro (Prunus armericana) é unha árbore da familia das rosáceas, cultivada polo seu froito, o albaricoque. Nativo do nordés da China, é unha árbore pequena, de 4 ou 5 metros de altura, a cortiza é de cor castaña avermellada. As follas, con forma de corazón, teñen ata 10 cm de lonxitude, con pecíolos longos e de cor avermellada primeiro e logo verde viva. As flores, grandes, son brancas ou rosa pálida, aparecen a comezos da primavera, antes que as follas.
O albaricoqueiro é unha especie de clima cálido, que mesmo pode resistir -20 °C, pero é moi sensible ás xeadas de primavera que poden impedir a súa floración.
Ligazóns externas [editar]
Coñeza toda a Bioloxía en Wikispecies, o directorio dos seres vivos
