+44

Na Galipedia, a Wikipedia en galego.
+44
+44 Live.jpg
Orixe Los Angeles, California, Flag of the United States.svg
Período 2005 - 2009
Xénero(s) pop punk, rock alternativo, rock electrónico
Selo(s) discográfico(s) Interscope Records, Polydor Records
Membros Mark Hoppus
Travis Barker
Shane Gallagher
Craig Fairbaugh
Carol Heller
Na rede
plusfortyfour.com

+44 (pronounciado "Plus Forty Four") foi unha banda de pop punk formada polos antigos membros de blink-182 Mark Hoppus (voz e baixo) e Travis Barker (batería, percusión e teclados). A banda complétase co antigo guitarrista de xira dos Transplants Craig Fairbaugh e o guitarrista de The Nervous Return Shane Gallagher.

Historia[editar | editar a fonte]

Formación[editar | editar a fonte]

Orixinalmente +44 ía ser só un proxecto paralelo de Blink-182 cando Mark e Travis falaron sobre el na súa xira europea de finais do ano 2004, pero entón notaron que Tom DeLonge actuaba de de xeito distante e estaba perdendo interese con respecto á banda. Os feitos ocorridos en febreiro do 2005 fixeron que +44 se convertise no foco principal de Mark e Travis en vez dun proxecto paralelo. O proxecto tiña elementos non habituais nos traballos de Blink-182, coma baterías electrónicas, teclados e gravacións computerizadas. Barker comentou posteriormente que os elementos electrónicos da banda derivaron de "155", o primeiro tema que el e Hoppus escribiron como banda.

Mentres o traballo continuaba con demos, a vocalista de Get the Girl Carol Heller foi convidado por Hoppus e Barker a unha audición da súa voz. A actuación de Heller foi o suficientemente boa para a banda e como resultado os tres seguiron traballando xuntos en máis cancións. A formación cambiou novamente a principios do 2006, coa entrada do guitarrista Shane Gallagher.

Co obxectivo de avanzar coas demos, Barker e Hoppus conseguiron un estudo. A banda comezou entón a traballar no mesmo ensaiando como unha banda normal.

O son do grupo ten un toque electrónico que co tempo fíxose menos evidente, pero que ainda permanece como unha seña de identidade. Debido a isto Heller atopou que non era compatible coa dirección da banda, e xunto co seu desexo de formar unha familia, deixou a banda. O traballo de voces de Heller está aínda presente nos temas "Make You Smile", "Weatherman", e nas primeiras mesturas de "No, It Isn't". Despois diso, Hoppus, Barker e Gallagher buscaron un novo corista e o guitarrista Craig Fairbaugh de Mercy Killers uníuse á banda.

When Your Heart Stops Beating[editar | editar a fonte]

A medida que se achegaba a data de edición proxectada, comezaron a circular rumores sobre o título do álbum. Nun principio pensouse que o álbum chamaríase Little Death e apareceu así na revista AP. Posteriormente revelouse que ese sería un dos temas incluídos. Hoppus finalmente decidíuse por When Your Heart Stops Beating. A canción "Lycanthrope" lanzouse ná páxina web de +44 a principios de setembro do 2006.

Máis tarde, nese mesmo mes, a emisora KROQ-FM anunciou o título dos temas do álbum. A banda realizou o seu primeiro concerto o 7 de setembro do 2006 no Roxy Theatre en Hollywood, sendo a primeira actuación que facía Hoppus en dous anos. O seguinte concerto foi no Reino Unido, no London Astoria. Ambos concertos atopouse cunha reacción moi boa dos fans, tendo en conta que ata ese momneto só o tema "When Your Heart Stops Beating" fora escoitado.

O álbum editaríase o 11 de novembro en Australia, o día 13 en Europa, e o 14 en Norteamérica.

Durante a rodaxe do video para "When Your Heart Stops Beating", Travis Barker feríuse nun brazo, descubríndo a lesión semanas máis tarde despois da xira europea de promoción. Isto obrigono a non poder tocar nas xiras por Australia e Europa que virían a contunuación. Gil Sharone substituiríao neses concertos.

+44 entón versionou o tema de The Smashing Pumpkins "I Am One" para un trubuto en MySpace para a banda de Chicago, e tamén participou no EP iTunes Foreign Exchange. Para este versionaron o tema de Wir sind Helden "Guten Tag" traducido ao inglés e Wir sind Helden versionou o seu tema "When Your Heart Stops Beating" en alemán, titulado "Wenn Dein Herz zu Schlagen Aufhört".

No ano 2007 +44 sumouse á Honda Civic Tour xunto con Fall Out Boy, The Academy Is..., Paul Wall e Cobra Starship. Durante a xira graváronse a eles mesmos tocando para o videoclip do seu seguinte sinxelo, "155". Nesa xira comezaron a versionar os temas de blinl-182 "Dammit", "The Rock Show" e "What's My Age Again?".

Cancelado segundo álbum de estudio e hiato[editar | editar a fonte]

O 23 de outubro do 2007 Hoppus anunciou que +44 asinara un contrato coa Interscope para comezar a gravar o segundo a´lbum da banda. O 9 de abril dixo que o retraso do traballo debíase á falta de financiación do selo, e o 25 de maio anunciaría que o álbum estaba en pre-producción. El estivo considerando editar os temas na súa web, pero o selo podería demandalo po ese feito.

O 15 de setembro do 2008 Hoppus posteou un video del tocando un tema novo, e o 18 de setembro Chris Holmes posteou un segundo video na súa páxina de YouTube de Hoppus tocando outra canción.

O 19 de setembro Travis Barker resultou ferido nun accidente aéreo en Columbia, Carolina do Sur do que se recuperou completamente.

Nunha entrevista na MTV o [19 de xaneiro]] do 2009, Hoppus afirmou estar traballando nun álbum en solitario. Durante a entrevista nin confirmou nin negou que +44 se separase. O 8 de febreiro anunciouse que a antigua banda de Hoppus e Barker, Blink-182, reformárase.

En varias entrevistas concedidas entre febreiro e marzo do 2009 Hoppus afirmou que fora unha boa experiencia tocar cos seus compañeiros de -44, pero que a partir de entón centraría todos os seus esforzosn en blink-182.

Discografía[editar | editar a fonte]

Véxase tamén[editar | editar a fonte]

Ligazóns externas[editar | editar a fonte]