Škofja Loka

Na Galipedia, a Wikipedia en galego.
Modelo:Xeografía políticaŠkofja Loka
Imaxe
Localización
lang=gl Editar o valor em Wikidata Mapa
 46°09′54″N 14°18′22″L / 46.165, 14.306Coordenadas: 46°09′54″N 14°18′22″L / 46.165, 14.306
EstadoEslovenia
Município da Eslovénia (pt) TraducirSkofja Loka (pt) Traducir Editar o valor em Wikidata
Capital de
Poboación
Poboación11.671 (2020) Editar o valor em Wikidata (80,49 hab./km²)
Xeografía
Superficie145 km² Editar o valor em Wikidata
Bañado porSelška Sora (en) Traducir Editar o valor em Wikidata
Altitude400 m Editar o valor em Wikidata
Identificador descritivo
Código postal4220 Editar o valor em Wikidata
Fuso horario
Outro
Irmandado con
Obervellach (pt) Traducir
Meerssen (pt) Traducir
Houffalize (pt) Traducir Editar o valor em Wikidata../... 32+
Monument of local significance (en) Traducir
Data9 de decembro de 1988
Identificador737
Páxina webskofjaloka.si Editar o valor em Wikidata

Škofja Loka é unha cidade de Eslovenia.[1] É o principal núcleo económico, cultural, educativo e administrativo do concello homónimo. Está situada na rexión de Alta Carniola e no 2012 tiña unha poboación de 11.905 habitantes.[2]

Está situada a uns 22 km da capital do país, Liubliana.

Topónimo[editar | editar a fonte]

A primeira mención que se ten de Škofja Loka data do 973 como Lonca (referido a Stara Loka) (e como Lonka en 1160, Lok en 1192–97, Scofolotti en 1293, e Scofioloco en 1295, entre outros nomes). O nome significa literalmente pradeira (húmida) dos bispos, facendo referencia á súa pertenza aos bispos de Freising.[3]

Xeografía[editar | editar a fonte]

Škofja Loka está situada a 354 m de altitude[4] na confluencia dos ríos Poljane Sora e Selca Sora, na transición da Chaira Sora cara aos outeiros de Škofja Loka e os outeiros de Polhov Gradec. O seu centro histórico está situado nos socalcos do río, e comprende a praza da cidade (Plac) e a praza baixa (Lontrg). Nunha elevación sobre a cidade se encontra o Castelo de Loka, que alberga o Museo de Loka.[5] Por riba do castelo érguese o monte Krancelj (475 m). Ao norte do centro da cidade se encontra o monte Kamnitnik (414 m), coñecido pola súa rocha known for its conglomerada.[6]

Demografía[editar | editar a fonte]

Entre 1999 e 2008, a poboación da cidade de Škofja Loka aumentou lixeiramente a cerca de 23.000 habitantes en todo o concello[7].

A poboación da cidade situábase no 2012 en 11.905 habitantes.

Evolución demográfica do concello[7]

1999 2000 2001 2002 2003 2004 2005 2006 2007 2008
22.047 22.146 22.097 22.133 22.184 22.226 22.308 22.314 22.420 22.647

Historia[editar | editar a fonte]

O río Selca Sora en Škofja Loka. O Kapucinski most que o cruza é a ponte máis antiga que se conserva en Eslovenia.
Praza da cidade no centro. A columna mariana é un monumento barroco, levantado en 1751 para agradecer que a peste e o lume se alonxaran da cidade.

Historia temperá[editar | editar a fonte]

No 973, Škofja Loka foille concedida aos bispos de Frising por parte do Emperador Otón II.[3][8] Construíronse un castelo e unha torre sobre a cidade para defendela a finais do século XI ou XII. O Emperador Otón III concedeulles aos bispo o dereito de acuñar moeda e cobrar peaxes. Škofja Loka foi mencionada por primeira vez como cidade con dereitos de mercado en 1248, e con dereitos de cidade en 1274.

Škofja Loka foi amurallada no século XIV. En 1457, o duque Jan Vitovec atacou e queimou a cidade. Posteriormente, en 1476, foi atacada polos otománs, así como o padecemento de pragas e limes. En 1488, 1492 e 1515 tiveron lugar revoltas campesiñas na cidade. Škofja Loka foi destruída por un terremoto en 1511, mais pronto foi reconstruída co esforzo do bispo Filipe. En 1526 chegou o luteranismo en Škofja Loka, para iso creáronse novas leis contra a nova relixión e celebrouse un comité da Contrarreforma no castelo en 1601 que culminou coa queima de libros protestantes.[8]

Boa parte da cidade foi danada polos lumes de 1660 e 1698. Os muros defensivos foron pouco a pouco quedando obsoltetos e finalmente foron eliminados xunto coas portas da cidade en 1789.[8]

Idade Moderna[editar | editar a fonte]

En 1803 o Príncipe-bispo de Freising foi mediatizado pola Mediatización Alemá e Škofja Loka converteuse en parte do Ducado de Carniola, pertencente ao Imperio austríaco. Škofja Loka foi a primeira cidade de Carniola en posuír luz eléctrica, mesmo antes do terremoto de 1895.[8]

Segunda guerra mundial[editar | editar a fonte]

Škofja Loka foi ocupada polas forzas italianas o 13 de abril de 1941. As autoridades italianas foron substituídas polas alemás o 17 de abril. Os primeiros cidadáns da cidade foron arrestados pola Gestapo o 6 de maio de 1941 e nas seguintes semanas 26 familias foron deportados a Serbia. Unidades partisáns estiveron activas na zona durante a Guerra. O 9 de febreiro de 1944, os forzas alemás dispararon a 50 reféns como vinganza polo asasinato dun soldado alemán. Os partisáns entraron na cidade o 9 de maio de 1945.[8] Trala Guerra, o Castelo de Loka foi empregado como prisión para os prisioneiros de guerra e os presos políticos.[9][10][11]

Fosas comúns[editar | editar a fonte]

Škofja Loka é o lugar onde se localizan sete fosas comúns do período inmediatamente posterior á segunda guerra mundial. Dúas fosas comúns máis relacionadas con estas están localizadas na veciña Vincarje. Outros prisioneiros de guerra foron eliminados en Gabrovo, Bodovlje, Trnje, Pevno, entre outros lugares. Un número descoñecido de Gardas Nacionais e civís eslovenos, e posiblemente vítimas doutros nacionalismos, foron asasinados e enterrados en diversos lugares nos arredores do castelo. A Fosa Común do Castelo de Loka (en esloveno Grobišče na vrtu loškega gradu) está localizada no parque do castelo.[12] As fosas comúns 2-6 do muro do castelo (en esloveno Grobišče pri grajskem obzidju 2–6) están situadas no perímetro do castelo. A fosa número 2 encóntrase nun prado na esquina suroeste da muralla do castelo e nela foron descubertos os corpos de cinco vítimas en decembro de 2006.[13] A terceira fosa está no interior da esquina suroeste da muralla.[14] A cuarta fosa está nun prado ao carón da avenida bordeada de árbores.[15] A quinta fosa está na parte esquerda do camiño xunto á parede.[16] A sexta fosa está á dereita, baixo o camiño.[17] A Fosa Común do Campo Viršek (en esloveno Grobišče Virško polje) está situada na zona sur da cidade, entre o río Poljane Sora e a estrada a Gorenja Vas, preto de dous búnkers. Contiña os restos dun número descoñecido de prisioneiros de guerra alemáns. Pénsase que os restos foron desenterrados despois da Guerra.[18]

Posguerra[editar | editar a fonte]

A cidade asumiu a propiedade do castelo en 1959.[9] Škofja Loka ten un dos centros urbanos medievais mellor conservados de Eslovenia,[1] e foi proclamada munumento cultural en 1987.

Notas[editar | editar a fonte]

  1. ↑ 1,0 1,1 Conferencia: European Historic Towns and Their Associations, por Vodušek Neža (p. 32), Council of Europe (2000), ISBN 978-92-871-4394-5
  2. ↑ Statistical Office of the Republic of Slovenia
  3. ↑ 3,0 3,1 Snoj, Marko. 2009. Etimološki slovar slovenskih zemljepisnih imen. Ljubljana: Modrijan and Založba ZRC, p. 413.
  4. ↑ "Statistični letopis Republike Slovenije 2002: Ozemlje in podnebje" [Statistical Yearbook of the Republic of Slovenia 2002: Territory and Climate] (PDF) (en English e Slovene). Statistical Office of the Republic of Slovenia. 
  5. ↑ "Castle of Škofja Loka". Slovenia – Official Travel Guide. Slovenian Tourist Board. 
  6. ↑ Kamnitnik – nahajališče škofjeloškega konglomerata (Depósito conglomerado de Kamnitnik – Škofja) Arquivado 09 de xaneiro de 2015 en Wayback Machine. na Enciklopedija naravne in kulturne dediščine na Slovenskem – DEDI, por Čretnik Jankož. Editada por Šmid Hribar, Mateja. Torkar, Gregor. Golež, Mateja. Podjed, Dan. Drago Kladnik, Drago. Erhartič, Bojan. Pavlin, Primož. Jerele, Ines.
  7. ↑ 7,0 7,1 (en inglés) "Démographie de Škofja Loka". 
  8. ↑ 8,0 8,1 8,2 8,3 8,4 Savnik, Roman, ed. 1968. Krajevni leksikon Slovenije, vol. 1. Ljubljana: Državna založba Slovenije. pp. 378–381.
  9. ↑ 9,0 9,1 Škofja Loka Castle
  10. ↑ Moder, Gregor. 1993. A Guide to the Museums of Slovenia. Ljubljana: Mestni muzej Ljubljana, p. 109.
  11. ↑ Portmann, Michael. Communist Retaliation and Persecution on Yugoslav Territory during and after WWII (1943–1950). Vienna: GRIN Verlag, p. 23.
  12. ↑ Loka Castle Yard Mass Grave on Geopedia (en esloveno)
  13. ↑ Castle Wall 2 Mass Grave on Geopedia (en esloveno)
  14. ↑ Castle Wall 3 Mass Grave on Geopedia (en esloveno)
  15. ↑ Castle Wall 4 Mass Grave on Geopedia (en esloveno)
  16. ↑ Castle Wall 5 Mass Grave on Geopedia (en esloveno)
  17. ↑ Castle Wall 6 Mass Grave on Geopedia (en esloveno)
  18. ↑ Viršek Field Mass Grave on Geopedia (en esloveno)

Véxase tamén[editar | editar a fonte]

Ligazóns externas[editar | editar a fonte]

Traído desde «https://gl.wikipedia.org/w/index.php?title=Škofja_Loka&oldid=6672785»