Xoán Carlos Garrido

Xoán Carlos Garrido Couceiro, nado na Estrada en 1965, é un sindicalista, profesor de filosofía e historiador galego.

Traxectoria[editar | editar a fonte]

Directivo da Asociación Cultural "A Estrada" nos anos 80 e actualmente membro de Asociación Cultural "Vagalumes". Colaborador do Sindicato Labrego Galego nos anos 90, do que foi responsábel da súa publicación mensual Fouce e de poñer en marcha a editorial do mesmo nome en 1995. É militante da UPG, membro da Aula Castelao de Filosofía, da Fundación Alexandre Bóveda e da Fundación Bautista Álvarez, e director da revista Terra e Tempo entre 2004 e 2014. Colaborador en distintas publicacións periódicas galegas como: A Nosa Terra, Murguía. Revista Galega de Historia, A Taboada ou Vieiros. Forma parte da Comisión pola memoria Siñor Afranio e é membro de Consello da Memoria.

No campo do audiovisual dirixiu varios traballos, entre eles o titulado A derradeira lección do mestre (2007).

Actualmente^[cando?] traballa como profesor de filosofía no instituto de ensino público de Forcarei.^{[Cómpre referencia]}

O pensamento galeguista da posguerra: antoloxía, 1997, AS-PG/A Nosa Terra. Coeditor con Xosé Manuel Sánchez Rei.
A guerrilla antifranquista galega. Actas do Congreso, 2011, Comisión pola Recuperación da Memoria Histórica da Coruña.
Perspectivas sobre Bóveda: Ensaios e poemas polo seu 75º cabodano, 2011, A. C. Alexandre Bóveda.
Do piñeirismo ao Consello da Mocedade. O rexurdir do nacionalismo galego, 2013, Fundación Moncho Reboiras. Con Uxío-Breogán Diéguez Cequiel.
As Irmandades da Fala (1916-1931), 2016, Laiovento.