Xigantismo
| Xigantismo | |||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | |||||||||||||||||||||||
 Robert Wadlow, o home máis alto coñecido (2,72 m). | |||||||||||||||||||||||
| |||||||||||||||||||||||
| Características | |||||||||||||||||||||||
|
Especialidade médica
| |||||||||||||||||||||||
| |||||||||||||||||||||||
| |||||||||||||||||||||||
| Wikidata C:Commons | |||||||||||||||||||||||
O xigantismo é unha enfermidade hormonal causada pola excesiva secreción da hormona do crecemento, durante a idade do crecemento, antes de que se peche a epífise do óso. Se esta situación ocorre despois, recibe o nome de acromegalia.
Características
[editar | editar a fonte]Trátase dun crecemento desmesurado en especial de brazos e pernas causado pola glándula hipófis, acompañado do correspondente crecemento en estatura de todo o corpo. Cando aparece na infancia antes de que a osificación normal finalizase, a súa orixe adoita estar nunha sobreprodución da hormona do crecemento por parte da hipófise anterior.
Os defectos hereditarios que impiden a osificación normal durante a puberdade permiten que o crecemento continúe, o que produce xigantismo. Debido a que a hormona do crecemento diminúe a capacidade de secreción das gónadas, o xigantismo adoita estar acompañado do enfraquecemento das funcións sexuais e recibe entón o nome de xigantismo eunucoideo. Con todo, pode haber xigantismo sen estas alteracións sexuais. Os individuos afectados por calquera tipo de xigantismo presentan debilidade muscular. Aínda que como todas as cousas poida que se dea esta debilidade muscular xunto coas alteracións sexuais ou simplemente o individuo non sofre destas.
