Xabier Casares
| Xabier Casares | |
|---|---|
| Nacemento | 10 de abril de 1945 |
| Xinzo de Limia | |
| Nacionalidade | España |
| Alma máter | Universidade de Santiago de Compostela |
| Ocupación | político e pediatra |
| Irmáns | Carlos Casares |
| [ editar datos en Wikidata ] | |
Francisco Xabier Casares Mouriño, nado en Xinzo de Limia o 10 de abril de 1946, é un médico e político galego.
Traxectoria[editar | editar a fonte]
Licenciado en Medicina pola Universidade de Santiago de Compostela, exerceu como pediatra. Foi director médico do Complexo Hospitalario Cristal-Piñor de Ourense. Militante do PSdeG, foi concelleiro de Sanidade e Servizos Sociais na cidade de Ourense, onde vivía, entre 1991 e 1995, sendo o seu alcalde Manuel Veiga Pombo. En paralelo, nesa lexislatura foi portavoz do PSdeG na Deputación de Ourense (1995-1998)[1].
Foi elixido parlamentario pola provincia de Ourense nas eleccións autonómicas de 1997, ano no que ademais accedeu ao Comité Federal do PSOE. Volveu ser elixido parlamentario nas autonómicas de 2001. Deixou o Parlamento en abril de 2002.
Como irmán de Carlos Casares, na actualidade (2021) é o presidente da Fundación que leva o nome do escritor. Ademais, é presidente do Liceo Recreo Ourensán, unha institución cultural da cidade de Ourense.
Vida persoal[editar | editar a fonte]
Foi irmán de Carlos Casares e, por tanto, cuñado de Kristina Berg e tío de Håkan Casares e Christian Casares.
Notas[editar | editar a fonte]
- ↑ "Xabier Casares: «Acórdome do meu irmán Carlos moitas veces cada día»". La Voz de Galicia (en castelán). 2021-04-01. Consultado o 2021-04-01.
Véxase tamén[editar | editar a fonte]
Bibliografía[editar | editar a fonte]
- Barrera, Feliciano, ed. (2002). "Casares Mouriño, Xabier". Gallegos. Quién es quien en la Galicia del siglo XXI (en castelán). Santiago de Compostela: El Correo Gallego. p. 111. ISBN 84-8064-113-4.
- Dicionario biográfico de Galicia. Ir Indo Edicións. 2010-2011.