William Huapaya
| Biografía | |||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Nacemento | (es) William Sabino Huapaya Agüero  30 de decembro de 1958 (67 anos)Lima | ||||||||||||||||||||||||||||||||||
| Outros nomes | Huapaya | ||||||||||||||||||||||||||||||||||
| Actividade | |||||||||||||||||||||||||||||||||||
| Ocupación | futbolista | ||||||||||||||||||||||||||||||||||
| Deporte | fútbol | ||||||||||||||||||||||||||||||||||
| Posición de xogo | Dianteiro | ||||||||||||||||||||||||||||||||||
| |||||||||||||||||||||||||||||||||||
William Sabino Huapaya Agüero, nado en Lima o 30 de decembro de 1958, é un exfutbolista peruano, que xogaba de extremo.
Traxectoria
[editar | editar a fonte]Nacido no distrito de La Victoria de Lima, comezou a xogar ao fútbol en varios equipos infantís e xuvenís como o Club Sport Misti, o Defensor Lima e o Municipal de Barranca, antes de ingresar no Juventud La Palma de Huacho.[1] Co primeiro equipo de Juventud proclamouse campión da Copa Perú no ano 1978.[2] As súas boas actuacións propiciaron a súa fichaxe polo Alianza Lima, o equipo máis laureado do país por aquel entón. Xogou durante catro anos e medio no equipo limeño, disputando dúas edicións da Copa Libertadores (1979 e 1983).
En abril de 1983 fichou polo Deportivo da Coruña, da Segunda División de España, ao que chegou recomendado por Montalvo, antigo xogador e único peruano que vestira anteriormente a camiseta do club galego.[3] Debutou na Copa da Liga de Segunda, marcando un gol en cada un dos seus dous primeiros partidos, ambos ante o Oviedo. Xogou un total de cinco partidos durante o torneo, todos como titular, incluído o encontro de volta da final que o seu equipo perdeu fronte ao Atlético Madrileño.
Con todo, as súas dificultades para adaptarse ao clima de Galicia e ao ritmo do fútbol europeo,[4][5] fixeron que o seu rendemento estivese por debaixo do agardado na tempada 1983/84, na que disputou 13 partidos de liga, só 4 deles como titular, anotando un gol ante o Castellón. Xogou ademais tres partidos da Copa do Rei e cinco da Copa da Liga, anotando nesta última o seu derradeiro gol co Deportivo, fronte ao Bilbao Athletic. O seu paso pola Coruña deixou unha célebre frase coa que tentaba explicar a Arsenio o seu baixo rendemento. Afirmaba estar "moi esixido" ("muy exigido "en castelán), expresión que o histórico adestrador citou en numerosas ocasións ao longo da súa carreira.[5][6][7] Deixou o Deportivo en xullo de 1984, despois dun total de 26 partidos e 4 goles.[8]
Aínda que tiña intención de ir xogar a Francia, acabou na selva amazónica, onde fichou polo CNI de Iquitos, club no que militou dous anos.[5] Posteriormente pasou polo Deportivo Municipal e o Defensor Lima, onde pechou a súa carreira en 1988, despois de lograr o ascenso á Primeira División.[9]
Trala súa retirada traballou como preparador físico e axudante do adestrador Hugo Sotil. En 2006 instalouse no barrio madrileño de Vallecas, onde pasou a traballar nunha axencia de viaxes.[5]
Palmarés
[editar | editar a fonte]- Juventud La Palma
- Copa Perú (1): 1978.
Notas
[editar | editar a fonte]- ↑ Cueto Guerra, Ana Belén. "El amo del fútbol" (en castelán). Consultado o 30 de maio de 2023.
- ↑ "Los 60 años del Club Juventud La Palma" (en castelán). 7 de setembro de 2010. Arquivado dende o orixinal o 29 de xullo de 2016. Consultado o 30 de maio de 2023.
- ↑ "Hoy llegará a La Coruña un extremo peruano". La Voz de Galicia (en castelán). 15 de abril de 1983. p. 45.
- ↑ "Huapaya, que no conoce las drogas, dice que en el Deportivo se respira buen ambiente". La Voz de Galicia (en castelán). 2 de decembro de 1983. p. 37.
- 1 2 3 4 Rodríguez Cudeiro, Juan Luis (30 de marzo de 2009). "Huapaya: "Ya no estoy tan exigido"". El País (en castelán). Consultado o 30 de maio de 2023.
- ↑ "Arsenio: «Le he vuelto a coger gusto a esto»". La Voz de Galicia (en castelán) (A Coruña ed.). 19 de xuño de 1992. p. 48.
- ↑ "Las mejores frases de Arsenio Iglesias" (en castelán). 5 de maio de 2023. Consultado o 30 de maio de 2023.
- ↑ "Huapaya negoció su baja para irse a Francia". La Voz de Galicia (en castelán). 15 de xullo de 1984. p. 36.
- ↑ "Once Ideal: Cara sucia, rostro feliz" (en castelán). 1 de agosto de 2011. Consultado o 30 de maio de 2023.
