Wageningen

Wageningen
	Xentilicio Wageninger (nl)
	Xentilicio Wageninger (nl)
	Instancia de cidade; entidade de poboación dos Países Baixos; concello dos Países Baixos; lugar con dereitos e privilexios de cidade
	Instancia de cidade; entidade de poboación dos Países Baixos; concello dos Países Baixos; lugar con dereitos e privilexios de cidade
Implicados
	Xefe do goberno Cargo: mayor of Wageningen (en) ;
Localización
	Situado en Gueldria, Países Baixos, Reino dos Países Baixos
	Comparte fronteira con Ede; Overbetuwe; Neder-Betuwe; Rhenen
	Contén núcleo de poboación Wageningen-Hoog (en) ; Leeuwen (en) ; De Peppeld (en) ; Nude (en)
	Irmandado con Gödöllő
OpenStreetMap
	Coordenadas 51°57′52″N 5°39′47″L / 51.964444444444, 5.6630555555556
Cifras e dimensións
	Poboación 2.983 (1815) censo; 3.454 (1830) censo; 4.099 (1840) censo; 4.528 (1849) censo; 5.289 (1859) censo; 5.726 (1869) censo; 6.305 (1879) censo; 7.638 (1889) censo; 9.027 (1899) censo; 9.599 (1909) censo; 11.390 (1920) censo; 13.167 (1930) censo; 17.160 (1947) censo; 22.904 (1960) censo; 27.454 (1971) censo; 30.651 (1980) censo; 32.818 (1990) censo; 33.826 (2000) censo; 36.642 (2010) censo; 37.865 (2016) ; 38.458 (2017) padrón municipal; 38.412 (2018) padrón municipal; 38.774 (2019) padrón municipal; 39.664 (2020) padrón municipal; 39.635 (2021) padrón municipal
	Número de fogares 21.488 (2015); 21.082 (2014); 21.129 (2013); 20.946 (2012); 20.518 (2011); 21.219 (2010)
	Superficie 32,35 km²
	Altitude 9 m
Código postal
Códigos e identificadores
Código postal
Código postal	6700–6709
OpenStreetMap	418758
VIAF	163879862
Freebase	/m/0ps9n
Fontes e ligazóns
	Páxina WEB wageningen.nl
	Teléfono +31317492911
	Correo mailto:gemeente@wageningen.nl
	Descrito pola fonte Enciclopedia de Otto ; Tema: Wageningen; Topographia Circuli Burgundici (en) ; Tema: Q113076178
	Wikidata C:Commons

Wageningen é unha cidade e municipio da provincia de Güeldres, nos Países Baixos.

Xeografía

Wageningen está situada na beira norte do río Rin, na fronteira coa provincia de Utrecht, e consta de dous asentamentos: Wageningen e Wageningen Hoog.^[1]

Unha elevación ao suroeste de Wageningen chámase Wageningse Berg (Montaña de Wageningen).

A unha altitude media de 9 msnm, o municipio ocupa unha superficie de 32,36 km², dos que 1,82 km² son de auga.

Segundo o censo de 2019 tiña 38 774 habitantes, polo quea súa densidade de poboación nese ano de 1 230 hab./km².

Historia

O asentamento máis antigo coñecido en Wageningen estaba situado cerca do río, ao fondo do outeiro Wageningen Berg. Durante o medievo o asentamento trasladouse máis arriba. Encontráronse restos dunha igrexa pequena e dalgunhas granxas con edificacións de madeira cerca do cumio da Wageningse Berg.

No século XII xurdiu un asentamento onde agora se sitúa a rúa Bergstraat (rúa da Montaña), no centro de Wageningen. Despois da construción dun dique para protexer á vila do pantano que naquel tempo cubría esta parte de Güeldres, fixo posíbel o desenvolvemento da vila.

Debido á súa situación estratéxica, Wageningen era considerada xa unha cidade no século XIII. O 2 de xuño de 1263 Wageningen alcanzou o título de "cidade".^[2] Esta estaba defendida por unha muralla e un canal.

Para fortalecer a cidade, o duque Carlos de Güelders construíu en 1526 unha fortaleza, que foi destruída polas tropas francesas en 1672. O daquela señor do castelo, o barón Adolfo Lubbert Torck, construíu un novo sobre as ruínas do antigo.^[2] Hoxe en día permanecen visíbeis restos de tres torres e parte da muralla.

Wageningen tamén é famosa pola súa historia militar. O 6 de maio de 1945 o xeneral alemán Johannes Blaskowitz rendeuse ao xeneral canadense Charles Foulkes, terminando así a segunda guerra mundial para os Países Baixos. Os xenerais asinaron a capitulación no Hotel de Wereld en Wageningen.^[2] Cada 5 de maio, o día da liberación dos Países Baixos, a cidade celebra un gran festival para celebrar a liberación, cun desfile de veteranos da guerra que son honrados polos seus servizos nesa ocasión.

A Universidade de Wageningen

Wageningen é famosa pola súa Universidade, a Wageningen Universiteit en Researchcentrum, especializada en Ciencias Naturais, na que estudan varios milleiros de estudantes de máis de 150 países^{[Cómpre referencia]}.No curso académico 2010-2011 tiña máis de 7 800 alumnos e alumnas matriculadas, e a Universidade e as institucións de investigación relacionadas con ela dan emprego a 7 400 persoas, das cales soamente o 40 % residen en Wageningen.

A Universidade fundouse en 1876 como Escola de Agricultura Municipal, transformada en 1918 nun centro de ensinanza superior, a Landbouwhogeschool Wageningen (Escola Politécnica de Agricultur), e despois Universidade Agraria de Wageningen.^[3] Así, a cidade transformouse nunha comunidade educativa e tecnolóxica moderna. Hoxe Wageningen é o centro do Foodvalley (Val dos alimentos),^[4] unha grande aglomeración de empresas e institutos de investigación que se especializa en innovaciones de alimentos.

O seu campus está establecido nas aforas da cidade, o que lle permite planificar numerosas ampliacións das súas instalacións, centradas nas ciencias da vida, a socioloxía, as relacións comerciais e o recursos naturais.